Tɔŋ lasálàá 10:14 - BII BILA

¹⁴ Nɔm pila, poaa nɔmnda a cuavaa nɔmaa laandua, la bɛnda mì la de kɔŋɔ cɔlu sálà nda heelu coo Mɛlɛka o hɔl-lo a lɔlu solin-ndo nɛɛ diandaa pum, kani falun mun yɔngun niaa ni. Niaa poaa nɔmnda falun mun yɔngun o sálàla kɔlɲulula Israɛlla solinin-ndan kpow nin ni.

Tɔŋ lasálàá 10:14 Referans Kwoze

Kundalan 18:11

O kon kɔɔli, a bɛnda ma bii ɲɛm nda faŋanin o ɲɛm-kéan ndan coo-on nda o ba, kon co dimio ni aa ɲɛ-ɲɛ Israɛlla solul-la sálà a faleŋii vana cɔm Mɛlɛka ɲɔɔ-e tosaa. Nɔm Aarɔn, poaa nɔmnda a cuavaa nɔmaa laandua ya yɔngu kon kpede ni. Tɔŋ vana faŋa lecoo loo co kon ni. O yungule nɔmnden nin, vanaa-vanaa va pɛ a diandaa, nda bɛnda le ɲɛm mun dioo ni.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Tɔŋ lasálàá 9:21

Mí Aarɔn cua kɔŋɔla lan a lɔlu ba kɛndɔɔ, mó tosa faleŋii vana heelu ɲɔɔ coo le Mɛlɛka ndu cɔmndo-e mɛɛ Moise dimul ndu le tosaa yɛ, mó heelu ɲɛm mun coo, mó cɔm Mɛlɛka mun.

Fulaa 29:33

Nda kínɛí bɛnda ni mà de ɲɛm sálàn mun. Kani a mun hakila ndalan la ɲuminnin telen nda vanin nda faleŋun kandaa baalan tosaa coo-o ni, faleŋun mun tosanin ni mà siŋnun vanaa diandaa ya Mɛlɛka o hɔl. Vana celen bɛnda mò de ɲɛm mun te, kani ɲɛm diandan n co ya Mɛlɛka o hɔl ni.

Tɔŋ lasálàá 10:13

La bɛnda mì la de ndu nɛɛ diandaa. Ɲɛ niaa bɛnda le sɔlaa niaa cuavaa nɔmnda o ɲɛm fula o ɲɛm vaan nin le sálàá solio, mò ŋɔɛ o yinnden nin le Mɛlɛka-o co kon ni. Kani lende Mɛlɛka dimul-la ni.

Kundalan 5:9

Ɲɛ-ɲɛ Israɛlla faŋa pɛ o ɲɛm diandan nda yɔ̀ngù vana-solia-lasálàá le sálàá solio-on coo, le vana-solia-lasálà kon ɲɛ kon co ni.

Esekiɛl 42:13

Mí langbanɔ kon dimul-la aa: «Cɛila pɔmbɔla leninnda co lan a maluaŋ-ndan a cɛila pɔmbɔla leninnda co lan a ba too o fonda connun fondo-o laci lan, cɛila diandaalan la co ni, lon vanaa-solia-lasálàá, a co sɔɔnguuo Mɛlɛka ikɛi-ya vanin ɲɛm dian diandaa-diandan dioo ni. Lon nda vanin ɲɛm diandaa-diandan, sálàla kpeyanndan, visin cɔlu sálà co le hakio sɔlaa malɔɔ-o-on a visin sálà bɛɛndiaa isɔɔn kɛsio ni, kani o diandaa fonda kon co ni.

Tɔŋ lasálàá 22:13

Kɛ te pɔnɔɔ cua vana-solia-lasálàá velu-o vi pɛ, te kon te mà kɛyan nda pɔnɔ ndɔ, te o vilu hɔ́ɔ́ le, mò muungu o fuɲa ndɔ lo cɛinin le calle maa telen o va cuaambɔ felengoo-o, ndu tiwba mo de ɲɛdiaa fuɲa ndɔ co dioo-o. Kɛ vana celen bɛnda mò de ɲɛdiaa kon te.