Tɔŋ lasálàá 10:13 - BII BILA

¹³ La bɛnda mì la de ndu nɛɛ diandaa. Ɲɛ niaa bɛnda le sɔlaa niaa cuavaa nɔmnda o ɲɛm fula o ɲɛm vaan nin le sálàá solio, mò ŋɔɛ o yinnden nin le Mɛlɛka-o co kon ni. Kani lende Mɛlɛka dimul-la ni.

Tɔŋ lasálàá 10:13 Referans Kwoze

Tɔŋ lasálàá 6:16

Kani vana-solia-lasálàá yɔngu pɛ ɲɛm vaan le sálàá solio, sálà kon bɛnda mò dennun te, o bɛnda mò ŋɔɛ kpow o yin.»

Tɔŋ lasálàá 2:3

Ɲɛ tɔ̀ lonin o sálà ɲɛm vaa kon nin-ndo vànin le Aarɔn nda poaa ndɔa. Ɲɛ diandaa-diandaa pila ɲɛ tɔ̀ kon co ni, kani o sálà nda solul Mɛlɛka o yinnden nin-ndo nin o fula ni.

Kundalan 18:10

O nɛɛ diandaa-diandaa pum niaa bɛnda ni mi la de mun, vanpiaandua kínɛí a bɛnda ni mà de mun. A bɛnda mà ce mun maa ɲɛm diandan n co ni.

Tɔŋ lasálàá 10:12

Mí Moise dimul Aarɔn a poaa ndɔa ŋiɔŋaa lo yoomu-a, Eleasar nda Itamar aa: «La cii pɛ sálà fula o ɲɛm vaan nin-ndo soli, mì la lom o co le lomɔɔ o yinnden nin le Mɛlɛka-o, la cua kpeyan tɔ̀ lonin-ndo, la de ndu o fonda-loamaa-lasálàá ikɛi. Kɛ la va ndu pɛ toosiaa, la vow lɛvɛnndo lenin te. Kani ɲɛdiaa diandaa-diandaa co kon ni.

Tɔŋ lasálàá 10:14

Nɔm pila, poaa nɔmnda a cuavaa nɔmaa laandua, la bɛnda mì la de kɔŋɔ cɔlu sálà nda heelu coo Mɛlɛka o hɔl-lo a lɔlu solin-ndo nɛɛ diandaa pum, kani falun mun yɔngun niaa ni. Niaa poaa nɔmnda falun mun yɔngun o sálàla kɔlɲulula Israɛlla solinin-ndan kpow nin ni.

Kundalan 5:10

Te vanndo yɔngu pɛ Mɛlɛka ɲɔɔ, a yɔngu vana-solia-lasálàá ɲɛ kon. Kɛ ɲɛ-ɲɛ vanndo yɔngu nin pɛ vana-solia-lasálàá, le vana-solia-lasálà kon ɲɛ kon co ni.›»

Esekiɛl 42:13

Mí langbanɔ kon dimul-la aa: «Cɛila pɔmbɔla leninnda co lan a maluaŋ-ndan a cɛila pɔmbɔla leninnda co lan a ba too o fonda connun fondo-o laci lan, cɛila diandaalan la co ni, lon vanaa-solia-lasálàá, a co sɔɔnguuo Mɛlɛka ikɛi-ya vanin ɲɛm dian diandaa-diandan dioo ni. Lon nda vanin ɲɛm diandaa-diandan, sálàla kpeyanndan, visin cɔlu sálà co le hakio sɔlaa malɔɔ-o-on a visin sálà bɛɛndiaa isɔɔn kɛsio ni, kani o diandaa fonda kon co ni.