Tɔŋ lasálàá 10:11 - BII BILA

¹¹ haliko mi la caa vɛlɛ Israɛlla tɔŋnda ya yɔngu nda a sondo Moise-o kpow lan pɛɛku ɲɛkɛndɛi.»

Tɔŋ lasálàá 10:11 Referans Kwoze

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Nehemi 8:8

Má va sɛbɛ tɔŋ Hala-o dimio fɛ́ɛ́-fɛ́ɛ́ a ndu tɛɛsiaa, haliko mi vannda ndáà bii ɲɛ dimin lenin-ndo bila.

Nehemi 8:2

Mí Ɛsdras vana-solia-lasálàá hun a sɛbɛ tɔŋ kon vannda kpow o hɔl, vanpiaandua, vanlaandua a vanáà tiwba le tɔŋndo bilaa biyɔɔ-a kpow. Ɲinkon va paale taselen o paangii ŋɔmmɛwndɔɛi nin ni.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Tɔŋ miingua 24:8

«La mandan a nàà siaŋaa taw, mì la bii silala leviaa-solia-lasálàá yɔngunin niaa lan, mì la bii tɔŋnda ya yɔngunin nda le niaa tɛɛngullo lan.

1Tesalonikea 4:2

Kani la sínà pɛɛkula naa n yɔngu niaa fulaa Maalii Yeesu o ba lan.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Tɔŋ miingua 33:10

A co cuavaa Yakɔb-a silala nɔmndan pɛɛkoo, a co Israɛlla tɔŋ nɔmndo tɛɛsiallo. A co ansan lomɔɔ nɔm o milinndo bɛngu, a co sálà loamaa solio o fonda-loamaa-lasálà nɔmndo coo.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

2Dɛnnda lemasalan 30:22

Mí Esekia soaa o leviaa ndáà nɔ yiyan kɛndɔɔ o lakɔl le baalaa Mɛlɛka-o tosaa-a lo kpow, mó luei nda yoomuan. Palɛi ŋɔmmɛw, a va ɲɛdiaa kafoo dioo, a va sálàla kɔlɲululan solio, a va vɛlɛ Mɛlɛka Hala fuɲaa ndaa mamaa biiloo.

2Dɛnnda lemasalan 17:9

Má cua sɛbɛ tɔŋ Mɛlɛka-o, má va ndu vannda kpow keiyo pɛɛkoo o kobila va o lɛŋnde len nin-ndan nin.

Tɔŋ miingua 17:10

O kon, la kɔ tosa mɛɛ nda dimulnin niaa o fonda Mɛlɛka hɛlinin-ndo yɛ, la kelu yamɛi mɛɛ nda cɔmnin niaa yɛ kpafii.

Tɔŋ miingua 17:11

O tɔŋnda nda yɔngunin niaa le yamɛi kiolɔɔ lan coo kpafii niaa bɛnda le kɔlan ni, mì la kelu yamɛi mɛɛ nda dimulnin niaa yɛ. La bɛnda mì la tundun o ba kɛndɛ coo, te kon te a ba mɛl coo le.

2Dɛnnda lemasalan 15:3

Telen vilɛi hiow lɔ́ɔ́ kon, Israɛlla ndáà nɔ Hala kpeekpei le, vana-solia-lasálà ve nda tɛɛn le nda pɛɛku le, ndáà nɔ vɛlɛ tɔŋ te.