Tɔŋ lasálàá 10:10 - BII BILA

¹⁰ Kon tosà ni mì la sina ɲɛ kɛsin teengen le baala Mɛlɛka-o-o a ɲɛ kɛsin teengen le baala ndɔɔ loo, ɲɛ co o diandaa ndu o hɔl too a ɲɛ co o diandaa ndu o hɔl-lo,

Tɔŋ lasálàá 10:10 Referans Kwoze

Esekiɛl 22:26

Vanaa-solia-lasálàà ndɔa co tɔŋ nuu tɛɛmbuuo, a co kasio delɔɔ o cɛila-kolala-toandaala ndala diandaalan nin, a sina pɛngulan ɲɛ co o solian sálà-o a ɲɛ co o solian sálà loo tɛɛn te. Lelan, a cɔmnin sɛyanndo ɲɛ co o diandaa-o a ɲɛ co o nɔɔlɛiyo-o tɛɛn te. A co hɔlaa ndaa faŋaa o palɛi nii pɛngiɛi coo, a cii ya bɛ̀ɛ̀lan nda tɛɛn few-few.

Tɔŋ lasálàá 11:47

Silalan-ndan la malanin niaa le hiyanndo tosaa ɲɛ dendu ya Mɛlɛka o hɔl-lo a ɲɛ dindu ya Mɛlɛka o hɔl too tɛɛn, le hiyanndo tosaa visi vana dia-o a visi vana di loo tɛɛn.»

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

Esekiɛl 44:23

Vanaa-solia-lasálàà kan pɛɛkunin vanaa nia le yɛ́-yɛ́ɔ sinaa ɲɛ dindin le vali Mɛlɛka-o a ɲɛ co le vali Mɛlɛka loo tɛɛn, a cɔmnin nda hiyanndo ɲɛ dindu loo a ɲɛ dendu-o tɛɛn.

Yeremi 15:19

Lelan diom Mɛlɛka dimi-o co hoo ni aa: «Taa muungu pɛ ya o ibuŋ, i minginin nɔm o baala nuu nin. Taa dimi sɔɔn laasi-laasi le, kɛ mà dimi sɔɔn kɔlkalon, mɛɛ nɔm vanin sondo nuu ni. Yudaa muungunin nɔm o ibuŋ, kɛ o co nɔm te muungunin nda o ibuŋ te.

Tɔŋ lasálàá 13:43

O kon, vana-solia-lasálàá mɛɛndian ndu. Te o saalun pɛ kpukpun co tiŋ n'siaŋa-on o yáw ndɔɔ coo o tembe del kon kɔɔli, te kon te laci-o coo, mì n velan a paw nàà siaŋaa,

Tɔŋ lasálàá 14:57

Tɔŋndo ho nɔla mò mala niaa le sinaa te vanacieo, te kon te volɔɔ celen co o diandaa, te kon te o nɔɔlɛiyo Mɛlɛka o hɔl.»