Tɔŋ lasálàá 10:1 - BII BILA

¹ Paale pilɛ, mí poaa Aarɔn-nda nda ŋiɔn, Nadab a Abihu, vana-vana cua bonyii fuusɛi ipilɛ, má vow yinnde ladɛngulten lenin, má kɛsi ansan lecoo. Má kɔa Mɛlɛka o hɔl a yinnde súú celennden, nduyɛ o ve lende le Mɛlɛka ndóò yeema le.

Tɔŋ lasálàá 10:1 Referans Kwoze

Kundalan 26:61

Mí Nadab nda Abihu a sɔla piɔ́mndo le kɔla nda kɔɛ Mɛlɛka o hɔl a yinnde súú celennden-ndan.

Tɔŋ lasálàá 16:12

o cua bonyii fuusɛi co ipiaa a dɛngultan-nde, lá nda cua o yin o fonda-loamaa-lasálàá coo Mɛlɛka o hɔl-tan, o ɲɔla ansan funguɲaa bala tiɔn sakpo, o kɔɛ a ɲɛm mun o Fonda Diandaa-Diandaa nin, o kola-landaa co o Cɛi-Diandaa nin-ndo kɔɔli.

Fulaa 24:1

Mí Mɛlɛka dimul Moise aa: «Cua Aarɔn, Nadab, Abihu a kaasoŋaa kɔlkalua n'van belaŋɔmmɛw o Israɛlla tɛɛn, mì la hel o ya Mɛlɛka lo o pembei coo, mì la sim kɔɔli-kɔɔli, mì la baŋ vulan ya o labɛngunin.

Fulaa 6:23

Mí Aarɔn yil lanɔɔ diolan Eliseba, cua Aminadab-o a yemaa Naasɔn. Mó vilul ndu poaa nda hiɔɔlu: Nadab, Abihu, Eleasar a Itamar.

Condii lisai 141:2

Màá piɛile nilen le hel o nɔm ndo sakpo mɛɛ kumii ansan i hel nuaa yɛ, mì bala ya co heeloo lan la siŋnun maa sálà solin a paale delaalen-ndo!

Tɔŋ lasálàá 22:9

Vanaa-solia-lasálàá bɛnda mà bii silala nilan, yɔŋii nda cua hakio ma kɔndu dɛnɛ le ɲɛ nda diaa. Kani te a del pɛ kasi a ɲɛdiaa kon o kɔɔ, a sɔla piɔ́mndo. Ya co Mɛlɛka ni, ya kɛsi nda teengen le baala nuu ni.

Fulaa 28:1

«O Israɛlla tɛɛn, ma cua Aarɔn bɛ nɔm nda poaa ndɔa, Nadab, Abihu, Eleasar a Itamar pɛɛn, mì nda sɔɔnguu nɔm ikɛi. Nda hɛlin o Israɛlla tɛɛn le siŋnɔnndo vanaa-solia-lasálàá le ya Mɛlɛka ni.

Fulaa 24:9

O kon kɔɔli, mí Moise hel o pembei coo nda Aarɔn, a Nadab, a Abihu a kaasoŋaa kɔlkalua belaŋɔmmɛw o Israɛlla tɛɛn.

Tɔŋ lasálàá 16:1

Mɛɛ poaa ŋiɔŋaa Aarɔn-nda vi lɔ́ɔ́ nda hin Mɛlɛka o hɔl-lo, mí Mɛlɛka dimul Moise aa:

Tɔŋ lasálàá 9:24

Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.

Fulaa 27:3

Ma cɔw ɲɛm-laandun fonda-loamaa-lasálà kon kpow a daɲan, ma cɔw bombola kɔandaa lapultan, peelelan, bonyon le koovan hawvo lenin, cukanila n'ciŋndan, ma cɔw vɛlɛ bonyun nda fuusa-on. Ɲɛla lan kpow la bɛnda mì la cɔwnun a daɲan.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

Yeremi 44:15

O kon mí vanpiaandua ndáà sina nin maa laandaa ndaa va halaa celennda sálàlan solullo-a kpow, a vanlaandua sɛ́lɛ́ bɛndua a va lon-nda, a vanaa-vanaa va icali Patrɔs o lɛŋnde Esipte len nin a mulul Yeremi aa:

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Yeremi 19:5

Má tengul Baal tombon, le poaa ndaa sálàla loamaalan solio lon. Nduyɛ o co ya léè dimul nda le dɛnɛ vaa lende tosaa le, kabi i dimi ken te, yiyan kon bɛɛ del-la le.

Yeremi 7:31

Má tangul tombon Tofɛt, o Bóllo Bɛn-Hinnɔm nin le poaa ndaa a cuavaa ndaa lomɔɔ o yin. O co dɛnɛ ya dimul nda le tosa le co kon te, kabi bɛɛ yiyan kon del-la o kɔl te.

Tɔŋ miingua 17:3

mò kɔ sooluu halaa celen, mò tundun tombun celen o labɛngunin, mò sooluu paalen, paangei, te kon te ɲɛm co o halataala-on, mɛɛ o tosa ɲɛ ya kuuna-o.

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

Fulaa 40:27

Má loam lasikɔlɔ cun kɛndɔɔ lecoo mɛɛ Mɛlɛka pila dimi le tosaa yɛ.

Fulaa 38:3

Mó cɔaw vɛlɛ ɲɛm-laandun fonda-loamaa-lasálà kon kpow a daɲan: bombola kɔandaa lapultan, peelelan, bonyon le koovan hawvo lenin, cukanila n'ciŋndan a bonyun nda fuusa-on.

Fulaa 37:29

Mí vana caa cuɛiyan toosiaa-o bɛɛndiaa cuɛiyan le pɔlaa, mí vana caa ɲɛm cun kɛndɔn toosiaa-o toosiaa ansan cun kɛndɔɔ.

Fulaa 31:11

cuɛima co le pɔlaa-an a lasikɔlɔ kɛndɛ-kɛndɔɔ le vallo o cɛi-kola-toandaa diandaa nin. Mì vanaa cɔawnin ɲɛm mun mà sɔndu volɔɔla lan-nda bii tɔŋnda ya yɔngu nɔm-ndan kpow le vali kon tosaa.»

1Masaa 18:38

O kon mí Mɛlɛka tuisi yinnden, mí le loam sálàá, yɔmnde, powtan a puuloo, mí le veesiaa vɛlɛ mɛmma va o soondo nin-ndan.

Fulaa 8:27

Mí Mɛlɛka tuɛi piɛile ndɔlen, mó tosa mɛɛ o piɛi ndu yɛ. Mí sunbungaa kɔannun, má faŋan Faraɔnnɔɔ, vanaa ndɔa baalaa a vanaa tɔ̀a kpow kɔɔli. Hali o pilɛ lo lon te.

Kundalan 4:18

«La tósà mì cuavaa-imamaa Kehat-a cuu vu leviaa tɔ̀a tɛɛn te.