Tɔŋ lasálàá 1:7 - BII BILA

⁷ Vanaa-solia-lasálàá, poaa Aarɔn-nda ciŋa yinnden o fonda-loamaa-lasálàá coo, à bɛɛndiaa kilion ciiŋiaa ɲɛkɛndɛi.

Tɔŋ lasálàá 1:7 Referans Kwoze

O Kandɔɔ 22:9

Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

2Dɛnnda lemasalan 7:1

Mɛɛ Salomɔn cii piɛilen, mí yinnden le fula o halataala, mí le toal. Mí le loam sálàla loamaalan a sálàla kɔlɲululan. O kon mí biilu Mɛlɛka-o pei Cɛi-Hala-o ca.

1Dɛnnda lemasalan 21:26

Mí David cɔaw fonda-loamaa-lasálàá o fonda kon le Mɛlɛka, mó soli sálàla loamaalan a sálàla kɔlɲululan lecoo. O kon kɔɔli, mó piɛi Mɛlɛka, mí Mɛlɛka mulul ndu, mó tuisi yinnden fulaa o halataala le sálàla va o fonda-loamaa-lasálàá coo lan lomɔɔ.

Tɔŋ lasálàá 9:24

Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.

Tɔŋ lasálàá 6:8

Mì vana-solia-lasálàá faŋa kpeyanndo baa ca, cuɛiyan a ansan kpow, o nda handu o sálà ɲɛm vaa coo-o pɛɛn, mà lom ndu kpúlúká o fonda-loamaa-lasálàá coo, mò fula cun kɛndɔɔ le loonɔnndo a Mɛlɛka o kɔɔ.

1Masaa 18:33

Mó toosiaa yɔmnde o fonda-loamaa-lasálàá coo, mó siaŋ naw tovaa, mó kɛsi ndu o yɔmii ken coo.

1Dɛnnda lemasalan 6:34

Aarɔn a poaa ndɔa va sálàla loamaalan a sálàla cuɛima cun kɛndɛlan solio o fondala va le sálàlan solio lan coo ni. A va baalalan kpow tosaa o Fonda Diandaa-Diandaa nin, má va vɛlɛ Israɛlla sálàla malaa lahakilan solullo mɛɛ Moise ndóò dimul nda yɛ.