Tɔŋ lasálàá 1:5 - BII BILA

⁵ O kon kɔɔli, o kelu cɔlu kon bololan o cɛi-kola-toandaa-labɔɔŋianndo sondoo. Vanaa-solia-lasálàá, poaa Aarɔn-nda cɔm Mɛlɛka kooma cɔlu kon, à balu man fasaŋiaa o kpengun fonda-loamaa-lasálà co o dio cɛi-kola-toandaa-labɔɔŋianndo ikɛi-yo coo pindo.

Tɔŋ lasálàá 1:5 Referans Kwoze

Tɔŋ lasálàá 3:8

O handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon kɔɔli, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Tɔŋ lasálàá 1:11

Mo kelu ndu bololan o fonda-loamaa-lasálàá a maluaŋ, Mɛlɛka o hɔl. O kon, vanaa-solia-lasálàá, poaa Aarɔn-nda balu koovan fasaŋiaa o kpengun fonda-loamaa-lasálàá coo pindo.

Tɔŋ lasálàá 3:2

Mò handu baa cɔlu kon o lebol, mo kelu ndu bololan o cɛi-kola-toandaa-labɔɔŋianndo sondoo. O kon, mì vanaa-solia-lasálàá, poaa Aarɔn-nda balu kooma cɔlu kon fasaŋiaa o kpengun fonda-loamaa-lasálàá coo pindo.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Hebreea 12:24

Mí la sɔɔnguu Yeesu ikɛi, o co kpema sɛnɛiyo a kooma ndɔma fasaŋan-ndan tɛɛn-ndo, má co sɔɛi hiovɔɔ kooma Abɛl-lan coo-an.

2Dɛnnda lemasalan 35:11

Má diw cɔlua le kafo-hiavaa-coo. Vanaa-solia-lasálàá va kooma cɔlua leviia va nda yɔngoo-an fasaŋiaa, mí leviia nda va cɔlua sálàá siɔ́ŋndo.

Tɔŋ lasálàá 3:13

o handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon, vanaa-solia-lasálàá, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Fulaa 29:16

mì nɔm Moise kelu ndu bololan, ma balu kooma ndɔan suiyo o fonda-loamaa-lasálàá pindo.

Hebreea 10:11

Vana-solia-lasálà kɛ́-kɛ̀ bɛnda mò sim lepalaa-lepala le vali Hala-o tosaa. Sálàla pilɛlan tuŋ o soli ni, kɛ la tiwba hakilan faŋaa le.

Misee 6:6

«A yɛɛ kpeekpei ya fula yɛnin Mɛlɛka o hɔl? A yɛɛ o ba ya baŋ yɛnin vulan Hala co coocoo-o o labɛngunin? Bàà a navaa téndéa nɔ vosio pilɛ-a ya fulanin ndu o hɔl ni le sálàla loamaalan solio?

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esai 52:15

Lende koni o dindinin vanaa-mangalaa-isɔɔa taw o nda vesullo ni. Masaa nɔnin mɛɛ dimia ndu o hɔl te, kani a canin ɲɛ ndóò dimul nda loo, a biinin ɲɛ ndáà tui-yɔ loo bila.

Kundalan 18:17

Kɛ cɛl mì vana baŋa naw tova tasoo, saa kóndó tasoo a cuin toovi tasoo le, kani a diandaa nda co Mɛlɛka o hɔl ni. A bɛnda ma fasaŋiaa kooma cɔlua kan o fonda-loamaa-lasálàá coo, ma lom visin macuɛiyon o yin, sálà ŋɔa o yin-ndo co kon ni, o ya tuɛi cun mì ɲɔɔ hɛnan ya-o.

Tɔŋ lasálàá 16:15

Kon cuu pɛ, o kelu vɛlɛ cuin toovi yɔngun le sálàá le haki Israɛlla-o bololan, o hiow a kooma cuin kon o kola-landaa co o Cɛi-Diandaa nin-ndo kɔɔli, o tosa mɛɛ o tosa a kooma naw tovaa yɛ, o suu man o kumbu kesu kpemaa coo a laci.

Tɔŋ lasálàá 1:15

Mì vana-solia-lasálàá kɔɛ a yow kon o fonda-loamaa-lasálàá hɔl-ndɔ, mò sungu ndu bollen, mò lom ndu o fonda-loamaa-lasálàá coo. O kon, o balu kooma ndɔan taaliaa o kpengun fonda-loamaa-lasálà kon coo pindo.

Fulaa 29:11

mì nɔm Moise kelu ndu bololan ya Mɛlɛka o hɔl o cɛi-kola-toandaa-labɔɔŋianndo sondoo.

Tɔŋ lasálàá 4:29

Mò handu baa cuin laandu kon o lebol, mò kelu ndu bololan o fonda nda kialu cɔlua co le sálà loamaa-a bololan-ndo.

Tɔŋ lasálàá 4:33

mò handu ndu baa o lebol, mò kelu ndu bololan le sálàá solio le hakio sɔlaa malɔɔ. O fonda nda kialu cɔlua yɔngun le sálà loamaa solio-a bololan-ndo o bɛnda ni mo kelu cɔlu kon bololan.

Tɔŋ lasálàá 17:11

Kani o koovan nin yoomu ɲaa yoomaa co ni. I yɔngu niaa man le kpekoo solinndo a man o fonda-loamaa-lasálàá coo, haliko mi ma baŋa yoomu niaa. Le tùú yoomoo co o koovan nin-ndo, lelan ma báŋà yoomoo ni.

1Samiɛl 1:25

Má soli naw tova kon sálàá, má kɔa a poombɔɔ o Helii lo.

Esekiɛl 43:18

Mó dimul-la aa: «Po vanacieo sei, nuaa Maalii Hala dimi ni aa silalan a fonda-loamaa-lasálàá o kɔɔ la co lan ni, le paale nda cɔawnin ndu len, haliko ma va sálàla loamaalan solio lecoo, ma va vɛlɛ kooma (cɔlua sálàá) vesullo lecoo.

Fulaa 40:6

Ma kɛsi fonda nda loam sálàla loamaalan coo-o o Calta Mɛlɛka la lan sondoo, cɛi-kola-toandaa-labɔɔŋianndo pɛɛn.

Tɔŋ lasálàá 4:7

Mò suu vɛlɛ kooma man o kpɛ̀ɛ́n fonda nda loam ansan coo-on coo Mɛlɛka o hɔl o cɛi-kola-toandaa-labɔɔŋianndo nin. O cii pɛ, o kɔ cuiŋi matɔ̀an o fonda nda sòli sálàla loamaalan coo-o bɛngu, o co o cɛi-kola-toandaa-labɔɔŋianndo sondoo-o pɛɛn.