Tɔŋ lasálàá 1:17 - BII BILA

¹⁷ O kon, o tɛnda yow kon o kumbanndan tɛɛn, kɛ o kilu kpali le, o lom ndu o kilin fonda-loamaa-lasálàn coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.›»

Tɔŋ lasálàá 1:17 Referans Kwoze

O Kandɔɔ 15:10

Mí Abram kɔ hun a cɔlua kan, mó tɛɛndiaa nda tɛɛn kpálá-kpálá, mó kɛsi kumbula o tɛɛndiaa lan-ndan kpengei a kpengei, kɛ o tɛɛndiaa yowva le.

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.

Rɔmnda 4:25

Le tɛɛmbuula naalan nda mal ndu vannda o ba ni, mó tendul le naa dio keo.

Nsaŋ 19:30

Yeesu sɔsaa mɔima man, mó dimi aa: «Ɲɛ-ɲɛ cuu peelɔn!» O kon mó landu bollen, mó malnun kɔl.

Matie 27:50

Mí Yeesu deŋi vɛlɛ kpélén, o kon mó malnun kɔl.

Condii lisai 16:10

Kani nɔm Mɛlɛka, a melnin ya kɔlan ciee-piɔ́m te, a cɛlnin mì ya vana lo lediom coo a nɔm-ndo tol o sɛiyo nin te.

Tɔŋ lasálàá 5:8

Mò hin a yovaa kan o vana-solia-lasálàá lo, mì vana-solia-lasálàá dii fɔlɔn yow co le sálàá le hakio sɔlaa malɔɔ-o, mò kandu ndu bollen kiolɔɔ o kɛsei, kɛ o kilu ndu bollen kpali le,

Tɔŋ lasálàá 1:13

O tɔɔ ɲɛm co cɔlu kon o dembe-on a bɛngula ndɔlan. Vana-solia-lasálàá kon lom visin mun kpow o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Tɔŋ lasálàá 9:13

Má yɔngu ndu visin cɔlu nda dii kon má siaŋ ndu le sálà loamaa-o a bolle ndɔlen, mó loam visin mun o fonda-loamaa-lasálàá coo.

Tɔŋ lasálàá 2:2

Mò yoo vanaa-solia-lasálàá, poaa Aarɔn-nda ɲɛm mun. Mì vana-solia-lasálàá pilɛ ɲɔla kpeyan co kon o muulianndo a cuɛiyan-ndo, mò cua vɛlɛ ansan kpow, mò lom ndu latulu o fonda-loamaa-lasálàá coo le loonɔnndo a ya Mɛlɛka o kɔɔ. Sálà ŋɔa o yin-ndo co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 3:5

Mì poaa Aarɔn-nda lom ɲɛm mun a sálà loamaa vanin o handaa o kilion coo-o latulu o fonda-loamaa-lasálàá coo. Sálà loamaa co kon ni, o ya Mɛlɛka tuɛi cun mì ɲɔɔ hɛnan ya-o.

Tɔŋ lasálàá 6:14

A bɛnda mà toŋ ndu a cuɛiyan o kpɛɛnɛi nin. Mà yimiyimi dɛɛ toaŋaa sálà cun kɛndɛ kon bungan, mà hun yɔngu ya Mɛlɛka ndu.

Tɔŋ lasálàá 8:21

Mó tɔaa pulon a bɛngulan o mɛnndan nin, mó loam saa kóndó kon kpow o fonda-loamaa-lasálàá coo. Ndu yɔŋnun sálà loamaa cun kɛndɛ ŋɔɛ o yin le ya Mɛlɛka-o ni. Mí Moise tosa falenndon mɛɛ Mɛlɛka cɔm ndu yɛ kpafii.

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

Kundalan 28:8

Saa téndé diinndɔɔ bɛnda mò solin sálà a dɛɔ a paale delaalen, a sálà mamɔiyo lecoo maa o tasoo. Sálà ŋɔa o yin le ya Mɛlɛka-o co kon ni, o ya tuɛi cun mì ɲɔɔ hɛnan ya-o.›»