Tɔŋ lasálàá 1:14 - BII BILA

¹⁴ Te yowvo o yɔngu le Mɛlɛka sálà loamaa solullo ni, o bɛnda mò yɔngu piindo, te kon te kangboo.

Tɔŋ lasálàá 1:14 Referans Kwoze

Luke 2:24

Ndáà kɔɛ vɛlɛ le sálàá solio mɛɛ o co o sɛvaa o tɔŋ Mɛlɛka-o nin yɛ aa: «Piinda nda ŋiɔn, te kon te kangboa tɛlɛa nda ŋiɔn.»

Tɔŋ lasálàá 5:7

«Te vanndo nɔ se le saa laandoo, te kon te le cuin laandoo sɔlaa le, o hin o Mɛlɛka lo a piinda nda ŋiɔn, te kon te kangboa nda ŋiɔn le sálà bɛɛndiaa isɔɔ solio le haki o tosa-o. Mì o pilɛ va le sálàá le hakio sɔlaa malɔɔ, o pilɔɔ le sálà loamaa.

Tɔŋ lasálàá 12:8

Te vanalanɔ kon nɔ se le saa téndóó sɔlaa le, o yɔngu piinda nda ŋiɔn, te kon te kangboa nda ŋiɔn, o pilɛ le sálà loamaa solio, o pilɔɔ le sálà co le hakio sɔlaa malɔɔ-o. O kon, vana-solia-lasálàá tosa faleŋii dindiannde le ndu, kon tosa ni mì komsa kon dendu Mɛlɛka o hɔl.›»

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

O Kandɔɔ 15:9

Mí Hala muli aa: «Kɔ hun a naw laandu téndé nɔ vɔsilan layàá-o o pilɛ, cuin laandu nɔ vɔsilan layàá-o o pilɛ, saa kóndó nɔ vɔsilan layàá-o o pilɛ, piindo o pilɛ a kangboo o pilɛ.»

Matie 21:12

Mí Yeesu luɛi o Cɛi-Hala-o nin, mó toaw vanaa va ɲɔɔn pisio-a a vanaa va ɲɔɔn piondɔɔ-a kpow, mó ɲiinduu tabalila vanaa singaa n'volia a kpɛŋɛla vanaa va kangboa pisio-a.

Tɔŋ lasálàá 5:10

O cii pɛ kon, o soli sálà loamaa a yowvo pilɔɔ, o tosa a ndu mɛɛ faleŋun sálà loamaa n co yɛ. Lende vana-solia-lasálàá bɛnda ni mo tosa vana tɛɛmbuu tɔŋndo-o faleŋii baŋannde coo le haki o tosa-o. O kon Mɛlɛka mal ndu haki.

Tɔŋ lasálàá 5:11

Te vana kon nɔ vɛlɛ se le piinda nda ŋiɔn, te kon te kangboa nda ŋiɔn sɔlaa le, o yɔngu kpeyanndo kiloo leyàá le sálàá le hakio sɔlaa malɔɔ. O bɛnda mò vow cuɛiyan lecoo le, o bɛnda vɛlɛ mo kɛsi ansan lecoo le, kani sálàá le hakio sɔlaa malɔɔ co kon ni.