Tɔŋ lasálàá 1:10 - BII BILA

¹⁰ Te o cɔlua pɔmbɔa nin vanndo soli cɔlu o ke Mɛlɛka-o ni, te saa téndóó te kon te cuin téndóó o yɔngu le sálà loamaa solio ni, o bɛnda mò yɔngu cɔlu piaandu nɔ lenamta loo.

Tɔŋ lasálàá 1:10 Referans Kwoze

Nsaŋ 1:29

Diimandɔɔ, mó ca Yeesu hunɔɔ ndu o ibuŋ, mó dimi aa: «La tofa vɔ, Saa cua Hala co haki ceendo faŋa-o.

Malasi 1:14

Dɛnɛ palaa co le vana kon, ó nɔ saa kóndóa kɛndɛ-kɛndɛa o cɔlua ndɔa tɛɛn, kɛ mó mɛi kan, mó kɔ bii o ɲavɛiyo le ndu ya sálàá solullo-o! Dɛnɛ palaa co le vana kon, kani Masa bɛndoo ya co ni. Vanaa-mangalaa-isɔɔa kpow a nɔ siòònde a diola nilan. Mɛlɛka-Nɔ-Kpaayaa-Kpow-vo dimi lende ni.»

Tɔŋ lasálàá 22:19

te o yeema pɛ mì cɛl sálà ndɔɔ, o bɛnda mò yɔngu cɔlu piaandu nɔ lenamta loo ó cɔlua ndɔa pɔmbɔa, te kon te ó cɔlua ndɔa bɛndua tɛɛn.

Tɔŋ lasálàá 4:23

Te o sina dɔ́ɔ́ pɛ maa o tosa hakio, o bɛnda mò hin a cuin toovi nɔ lenamta loo le sálàá solio,

Fulaa 12:5

A bɛnda ma bii saa téndé, te kon te cuin téndé piaandu nɔ lenamta loo, o nɔ vɔsio pilɛ-o.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

O Kandɔɔ 4:4

Mí Abɛl ndu hun a cɔlua tasea cɔlua ndɔa kom-nda, mó solul Mɛlɛka sálàá a visin bɛɛŋun macuɛin kɛndɛ-kɛndɔn. Mí Mɛlɛka cɛl Abɛl a sálà ndɔɔ.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

Kundalan 15:5

a mɔiyan litilio pilɛ a tálá le sálà mamɔiyo solio. Sálà ɲɛm vaa kon a sálà mamɔi kon la bɛnda mì la handun o saa téndé oo saa téndé niaa vanin sálà loamaa, te kon te sálà kɔlɲuloo solio coo.

Esekiɛl 43:22

Diimandɔɔ, a cua cuin toovi nɔ lenamta loo le sálà co le hakio sɔlaa malɔɔ-o, o kon a faŋa hakio o fonda-loamaa-lasálàá coo, mɛɛ nda faŋanin ndu a sálà nda solinin a naw tovaa-o yɛ.

Tɔŋ lasálàá 3:1

«Te vanndo soli pɛ sálà kɔlɲuloo a cɔlu bɛndoo, o va cɔlu piaandu o va cɔlu laandu, o bɛnda mò hin a cɔlu nɔ lenamta loo ya Mɛlɛka o hɔl.

Tɔŋ lasálàá 4:3

Te vana-solia-lasálà sɔla pɔlaa-o tosa hakio ni, mì haki ndɔ kon taŋ o vanaa tɔ̀a lo, o bɛnda mò solul Mɛlɛka sálàá le haki kon a naw tova nɔ lenamta loo, haliko mo sɔla hakio malɔɔ.

Tɔŋ lasálàá 5:15

«Te vanndo tosa pɛ haki kàlà-kálàá o sandii lepɛŋnde nin, mò kɛɛ le ɲɛm co le ya Mɛlɛka-on yɔngoo, o bɛnda mò yɔngu saa kóndó nɔ lenamta loo le haki o cua a ya Mɛlɛka-o, mà kelu ndu iyama o volin latámán nin mɛɛ volin latámán có dionnɔnndo o Cɛi-Diandaa nin-ndon co yɛ. Cɔlu kon vanin le sálà ɲɛ pilaa salaa ni.

Tɔŋ lasálàá 9:2

mó dimul Aarɔn aa: «Bii naw téndóó mì ndu va le sálà co le hakio sɔlaa malɔɔ-o solio, ma bii saa kóndóó le sálà loamaa solio, ma cɔm Mɛlɛka nda. Cɔlua ŋiɔŋaa kan kpow a bɛnda mà nɔ lenamta le.

Tɔŋ lasálàá 14:10

O paale ŋɔmaandɔlen, o bii saa kóndóa téndéa nɔ lenamta le-a nda ŋiɔn, saa téndé laandu nɔ lenamta loo, o nɔ vɔsio pilɛ-o, kpeyan vɔɔcan a cuɛiyan-ndo kiloo leŋɔmahiɔɔlu, a cuɛiyan litili táláá.

Tɔŋ lasálàá 16:3

O va pɛ le luɛyɔɔ o Cɛi-Diandaa nin, ɲɛm o bɛnda mò luɛi o ba-on co mun ni: naw tovaa o pilɛ le sálà co le hakio sɔlaa malɔɔ-o solio a saa kóndóó o pilɛ le sálà loamaa solio.

Tɔŋ lasálàá 16:5

Israɛlla bɛnda mà yɔngu ndu cuinaa toovia nda ŋiɔn le sálà co le hakio sɔlaa malɔɔ-o solio, a saa kóndóó o pilɛ le sálà loamaa solio.

Tɔŋ lasálàá 23:12

Paale pilɛle niaa heelunin tumbu kon coo ya o hɔl le ya ndu cɔmndo len, la solul-la vɛlɛ sálà loamaa a saa téndé nɔ vɔsio o pilɛ-o, saa kon bɛnda mò nɔ lenamta le.

Kundalan 6:14

mò solul Mɛlɛka sálà ndɔɔ: mò yɔngu saa kóndó téndé nɔ vɔsio pilɛ-o, o nɔ lenamta loo le sálà loamaa solio, saa téndé laandu nɔ vɔsio pilɛ-o, o nɔ lenamta loo le sálàá co le hakio sɔlaa malɔɔ-osolio a saa kóndó nɔ lenamta loo le sálà kɔlɲuloo solio.

Kundalan 19:2

«La tofa vɔ silala co o tɔŋ Mɛlɛka yɔngu-o nin-ndan: la dimul Israɛlla mà hin a naw siaŋaa o pilɛ, o nɔ lenamta loo, o nɔ sɔŋ too, o nda hendu vɔ yɔm lebol o lebol too.