Cɛɛŋɔnnda Yeremi lan 5:7 - BII BILA

⁷ Fuɲaa naa tosa dɛnɛ vɔɔndo má cuu, mì sanga kon va naa poaa ndaa coo.

Cɛɛŋɔnnda Yeremi lan 5:7 Referans Kwoze

Yeremi 31:29

O telen kon vannda dimi lɛnin taloo ho le aa: ‹Fuɲaa de rɛsɛŋun puiyon, mí ciŋndon vaaliaa cuavaa ndaa.›

Yeremi 16:12

Niaa yɛ, la co dɛnnda hiow vɔwlen ndan tosaa, la fuɲaa niaa tosa lan pɛɛn, vana-vana co kɛɔ nilan yaŋɔɔ o sɔɔn nun, le yiyannda niaala vɔɔnndan tolɔɔ kɔɔli.

Esekiɛl 18:2

«Tɔnɔ yɛɛ niaa nɔ yɛ o taloo ho dimio a ndu miinganndo o lɛŋnde Israɛl-ten nin aa: ‹Fuɲaa de rɛsɛŋun pùiyon, mí ciŋndon vaaliaa poaa ndaa?›

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Yeremi 31:15

O Mɛlɛka dimi-o co hoo ni aa: «Yéélan la co sɔɛi Rama. Koŋullo a caŋnda fúkpàà-fùkpààlan la co sɔɛi lon. Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

O Kandɔɔ 42:36

Mí Yakɔb dimul nda aa: «La yeema mì de poaa niaa tɔnɔ le? Yosɛf co lɛ le, Simeɔn bɛɛ lo o lekáá. Bàà la yeema vɛlɛ mì la puu ya Bɛnyamɛn o ba? Nduyɛ, ya niaa co mɔnɛi lueiyo nuaa ni.»

Sakari 1:5

Kuɛɛ nɛ fuɲaa niaa mamaa kan co yɛ hau? Vanaa-tɛɛngaa-diom Hala-a kan yɛ, a co va yoomu le fɛɛn a fɛɛn?

SƐBƐ YƆB-O 7:21

Vɛ̀ɛ̀ a nɔla mà biwnun tɛɛmbuula nilan te? Vɛ̀ɛ̀ a tiwba ma mal-la haki le pɔwla nilan te? Má cè ya nihau hinilan o cundoo nin! A nuwviaanin ya, kɛ i ve lɛnin te.»

SƐBƐ YƆB-O 7:8

Hɔlte va ya tofaa len le ci lɛnin ya le, Hɔlta nɔmndan la nuwviaa nin ya, kɛ ya, i ve lɛnin te.

O Kandɔɔ 42:13

Má dimul Yosɛf aa: «Òó vana bɛndoo! Naa buɛyaa nɔmnda, n va n'van tɔ́ a vanaa ŋiɔn, naa fuɲa pilɔɔ velu-a pɛɛn. O lɛŋnde Kanaan-nden nin naa n co icali ni. Pɔmbɔ naa lumndo lo fuɲa naa ikɛi lon, pɔmbɔ naa pilɔɔ co lɛ le.»

Kundalan 14:18

‹Ya co Mɛlɛka biwnanndo ni, vana lo o lediom coo kpeekpei-yo ya co ni. I mal vana haki le yɔŋ vɔɔndo a le biondɔnndan, kɛ i ci vana tɛɛmbua tɔŋndo vana kɛndɛ le, i tuisi cuawva dɛnɛ palaa coo le hakila fuɲaa ndaa háá o lambi yàándɔɔ, háá o lambi hiɔɔlundɔɔ bɛɛ.›

Yeremi 16:11

O kon a mululnin nda aa: Sɔɛi fula Mɛlɛka o sondo-e co hee ni aa: ‹Kani fuɲaa niaa mamaa kɛɛ ya, má yiinun a halaa celen, má baŋ nda vulan o labɛngunin, má sooluu nda. Ya niko, má mal-la, a bii pɛɛkuula nilan te.

Esekiɛl 16:58

Dɛnnda vɔɔnndan a la nɔɔlɛila n tosa lan la co nɔm mingulɔnndo ho nuaa ni. Mɛlɛka soo lende ni.»