Cɛɛŋɔnnda Yeremi lan 5:5 - BII BILA

⁵ Vanaa tol naa yɛlen-nda co naa tovɔɔ. N yɔkpa nin, kɛ pɛngi co le naa le.

Cɛɛŋɔnnda Yeremi lan 5:5 Referans Kwoze

Cɛɛŋɔnnda Yeremi lan 1:14

O nɔ hɔlten o hakila ya tosa lan coo. O cii lan yii nɛɛ pilɛ ndu o ba, mó handu ya lan o congú. La hel-la háá o labolo dí, Mɛlɛka cii ya yoomuan soli pó. O mal-la vanaa ya nɔla simullo le-a o ba.

Yeremi 28:14

Kani ɲɛ Mɛlɛka-Nɔ-Kpaayaa-Kpow-vo, o Hala Israɛl-lo dimi-o co hoo ni aa: ‹I co yɔm lebol icilin-ndo handɔɔ vanaa-mangalaa-isɔɔa kpow o n'kɛsu, haliko ma tosal Nebukanɛsar, masaa Babilɔn baalaa. A tosalnin ndu baalaa lekɛ́ndɛi, hali visia yondoa, i malnin nda ndu o ba.›»

Yeremi 27:8

Mɛlɛka dimi aa: «Vanaa-mangalaa-isɔɔa te kon te masale kɛɛ pɛ le tuisinndo Nebukanɛsar masaa Babilɔn o labɛngunin, mà kɛɛ le sanga masaa Babilɔn tuisinin nda coo-o siilɔnndo, i kuelnin vanaa kan a mɔɛi cɔwve, a yima fofolan, mì kuel nda a nàà n'kɔnyaa. I viamnin masaa Babilɔn le nda ciiyo kpede.

Tɔŋ miingua 28:48

la tosalnin yaamɔaa Mɛlɛka viamnin mà bii niaa-a vallo a yiaan, a bolole vesɛilen, a fɛ́lio, a pɛŋnden. La nɔnin ɲɛ-ɲɛ o ba le. Yaamɔaa kan lonin niaa yɔlɔn n'cilinndon baa o labolo háá ma cii niaa diw kpede.

Dɛnnda kiilaa 15:10

Le yɛɛ nɛ niaa co yɛ niko Hala kɔllo tɛɛmbuuo? La yeema mì la siilu vanaa laalannda volɔɔ fuɲaa naa mamaa, te kon te niaa pilaa tiwba cuaa loo?

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

Cɛɛŋɔnnda Yeremi lan 4:19

Vanaa co naa tovɔɔ-a hiow keleŋaa a kovɛa kela coocoo-a. À co naa kiltan kɔɔli o pembon coo, à co naa cumullo o lɛŋnde veselɛilen nin.

Yeremi 27:2

«Ya Mɛlɛka co sɔɛi he dimio ni: toosiaa yoei a yɔmii lebolle, mà yiinun ndi o ikɛsu.

Yeremi 51:58

Diom o dimi vɛlɛ-o co hoo ni aa: «Kpaki tongɛi Babilɔn-ndo sungunnin, mì diola ndɔla vilɛilan la ŋɔɛ. Fondo fúú koni vannda sanganin ni, mì nda pila saangian le yinnden.»

Misee 2:3

Lelan Mɛlɛka dimi ni aa: ‹I co kpundɛ bɛndoo tuisi vanaa kan coo. La nɔlanin kɛsei solio lebɛngu le. La cue lɛnin bollen lɔ́ɔ́-lɔ́ɔ̀ o kelaa nin te, kani telen dɛnɛ palaa co o nɛi.›

Cɛɛŋɔnnda Yeremi lan 1:3

À kɔɛ a polale Yuda len o cɛlen nin, má luei nda mɔnɛi. À co o baala kálà-kálà lecɛo nin. À co icali vanaa-mangalaa-isɔɔa tɛɛn, pɛngi bɛɛ co le nda le, yaamɔaa ndaa kpow a bii nda. À cal o mɔnɛi nin.