Cɛɛŋɔnnda Yeremi lan 5:21 - BII BILA

²¹ Mingin naa nɔm o ibuŋ, Mɛlɛka, haliko mi n muungu nɔm o ibuŋ lekɛ́ndɛi. Mingi naa a kiyɛi maa paandu.

Cɛɛŋɔnnda Yeremi lan 5:21 Referans Kwoze

Condii lisai 80:3

Timbi kpaaya nɔmndo ma hun ciindiaa naa polama Efraim, Bɛnyamɛn a Manase-an o hɔl.

Condii lisai 80:7

A siinguu naa ɲɛ vannda cɔlɔba coo-o le vanaa naa n cɛɛlian-nda, yaamɔaa naa co naa mamɔɔ.

Condii lisai 85:4

A mal kɔltuw nɔmndo kpow, má yɛlɛma kɔl nɔm óò fula a naa-o.

Yeremi 31:18

I tuei cɛɛŋɔnnda vannda Efraim co lan ɲɛkɛndɛi, a co dimio aa: ‹A lɔɔ naa bɔɔ a hɔlta kalalan le naa mingio o nɛi, maa mɛɛ nda sila naw tova nila kaloo yɛ. Kɛ mingin naa o ibuŋ mì n muungu lekɛ́ndɛi. Kani nɔm Mɛlɛka co Hala naa ni.

Condii lisai 80:19

N kue lɛnin nɔm levil te. Mingi naa yoomoo o milin, mì n va diola nɔmndan piɔlɔɔ.

Habakuk 3:2

«Mɛlɛka, i tuei a nɔm o kɔɔ. Siòònde bii ya dɛnnda nɔmndan, Mɛlɛka. O vɔsilan ndan bɛngu, peelu dɛnnda kalalan. O vɔsilan ndan bɛngu, cɔm vannda dɛnnda vakpa. Kɛ o kɔl nɔm tuwvo nin, loonun, a ɲíí nɔmnde o kɔɔ.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Yeremi 33:13

Saa hiawnin vɛlɛ o ba vana cɔm nda-o bɛngu, o kobila co o pembon coo lan nin, la co o dɛngbɛlan nin-ndan nin, la co o tàndàá Nekɛv nin-ndan, o tàndá Bɛnyamɛn-ndo nin, Yerusalɛm balɔɔ a o kobila Yuda lan nin.» Diom Mɛlɛka dimi-o co kon ni.

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ

Yeremi 31:4

I minginin nɔm tangul, nɔm cuanndo Israɛl, a muungunin ma cua dundula nɔmndan, mì la sim niaa vanaa kponyoa latulu.

1Masaa 18:37

Yandi Mɛlɛka, mulul-la! Mulul-la haliko mi vannda ha sina maa nɔm co Mɛlɛka ni, Hala kpeekpeiyo pɛɛn, mà sina maa nɔm co vana mangalà kɔlta ndalan-ndo ni.»

Malasi 3:4

Mɛlɛka cɛlnin sálàla Yudaa a sálàla Yerusalɛmnda mɛɛ o va tosanndo paandu o vɔsila hiow lan nin yɛ.

Esai 60:20

Paale nɔmnden le delnin te, paangii nɔmnde bɛɛ ɲumnin te. Kani Mɛlɛka vanin ɲɛ-tengaa nɔmndo le lɔ́ɔ́-lɔ́ɔ̀ ni. Palɛi dɛnɛ palɛi nɔmnde cuunin hiovɔɔ kpede.

Yeremi 30:20

Cuavaa ndɔa muungunin maa paandu, mà muungu cuungianndo ya o hɔl, i simulnin vanaa-vanaa co nda delɔɔ coo.