Cɛɛŋɔnnda Yeremi lan 5:2 - BII BILA

² Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Cɛɛŋɔnnda Yeremi lan 5:2 Referans Kwoze

Sofoni 1:13

Bolofaa ndaa co nda puunɔn o laba a paa-kala, mì cɛila ndalan la siŋnun bémbélan. A cɔawnin cɛilan, kɛ a celnin lenin te. A solinin nakɔla n'rɛsɛnndan, kɛ a kolnin mɔima rɛsɛŋun mun te.›»

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Esekiɛl 7:24

Lelan i cuunin vanaa-mangalaa-isɔɔa hiow kɔlvesɛiyo-a nanu, mà hun poondiaa cɛila ndalan. I tɛɛmbuunin kuundian vanaa kpaayaa, o kon cɛila máánnda ndalan la fulanin o baa nin.

Esekiɛl 7:21

I malnin ɲɛm ndan kɛndɛn mun mialla o ba, mà poondiaa mun a paa-kala. I malnin mun vanaa kɔlvesɛyaa co o lɛŋnden nin-nda o ba, mà hɛlu mun kpow. O kon, mà nɔɔliaa ɲɛm kɛndɛn mun.

Yeremi 6:12

Tuma ya mululunnin vanaa co o lɛŋnden nin-nda-o, cɛila ndalan la kɔanin vanaa celen o ba, mì ciɛɔn ndan a laandaa ndaa bɛɛ lo le caanda. Sɔɛi fula Mɛlɛka o sondo-e co ken ni.

Esai 63:18

Le telen bingi daama lɛŋnden le va o ba naa vanaa nɔmaa diandaa bɛngu ni, mí yaamɔaa naa nɛw cɛi-kola-toandaa diandaa nɔmndo a labɛngu.

Esai 5:17

Saa téndéa vanin billo dioo o ciee pɔm kon nin mɛ̀ɛ́-mɛ̀ɛ́ nda dia bil puiyaa yondoo nin yɛ. Mialla dianin ɲɛm tambɛi vanaa bolofaa mɛinin-ndon.

Condii lisai 109:11

Màá vanaa lakueea cua ɲɛm ndɔn kpow, mì mialla de baala ndɔɔ tɔnɔ!

Yeremi 17:4

La malnin kɛ́ yáà ke niaa-o, mì siinguu niaa cɛa yaamɔaa niaa o lɛŋnde niaa sina le len nin. Yinnde niaa mɛndul-la o kɔl-ten le vanin biyɔɔ le fɛɛn a fɛɛn.»

Osee 8:7

Le tùú niaa co hoeiye saŋɔɔ-o, la koawnin felenfelenndo. ‹Malun cuulu yasa lon soli kpeyan te.› Te n soli yɛ pɛ kpeyanndo, mɛɛ mialla dianin kpeyan kon ni.

Osee 8:8

Vannda cii Israɛlla misimisi. Nihau, a siŋnun maa ɲɛ vana yeema lɛ loo vanaa-mangalaa-isɔɔa tɛɛn.