Cɛɛŋɔnnda Yeremi lan 5:19 - BII BILA

¹⁹ Kɛ nɔm Mɛlɛka, masaa n co le lɔ́ɔ́-lɔ́ɔ̀ ni, masale nɔmnden le co le fɛɛn a fɛɛn.

Cɛɛŋɔnnda Yeremi lan 5:19 Referans Kwoze

Condii lisai 102:12

Palɛi nii co hiownɔnndo maa vundule icɔl, i co vesaa maa bil.

Condii lisai 45:6

Kɔɔn nɔmndon co n'siɛɛmbiaa siembulu-siembulu, n co vanaa súúla celennda mɛlio nɔm o labɛngunin. Kɔɔn mun co yaamɔaa masaa kɔltan buuluuo.

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Condii lisai 9:7

Yaamɔaa ve lɛnin te, a cii nda tɛɛmbuu le lɔ́ɔ́-lɔ́ɔ̀, má tɛɛmbuu kobila ndalan. Vana yiyan ndɛnin a lan o kɔɔ le.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Hebreea 13:8

Mɛɛ Yeesu Krista va cɛi yɛ, lende koni o co hau ni, lende vɛlɛ koni o vanin le fɛɛn a fɛɛn ni.

Habakuk 1:12

Kɛ nɔm yɛ, vɛ̀ɛ̀ o co nɔm te co Mɛlɛka nuu le fɛɛn a fɛɛn te? Hala nuu, O-Diandaa nuu pɛɛn. N vinin o laan te few! Nɔm Mɛlɛka, nɔm hɛli Babilɔnnda ha le naa yamɛi kiolɔɔ ni. Nɔm Hala co tiindan nuu ni, nɔm vem nda le naa dɛnɛ palaa tuisio coo nuaa ni.

Condii lisai 146:10

Mɛlɛka co masa fɛɛn-fɛɛndo ni. Niaa vanaa co Siɔn-nda, ndu co Hala niaa le lɔ́ɔ́-lɔ́ɔ̀ ni. La lisa ndu!

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Condii lisai 29:10

Mɛlɛka co icali o mɛmma nɔ lamɛɛlu le-an coo, o co icali o kpɛŋɛ ndɔ lemasaa coo le fɛɛn a fɛɛn.

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

Tɔŋ miingua 33:27

Nɛɛ viannannda Hala co le fɛɛn a fɛɛn-ndo co ni. Bala ndɔlan la co lahavaa lebɛngu yɔŋii niaa del. O co yaamɔaa niaa tovɔɔ niaa laci, mò va niaa dimullo aa: ‹La tɛɛmbuu nda!›

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Nsaŋ 1:38

Yeesu mulinndo, mó cannun nda hunɔɔ ndu kɔɔli, mó dimul nda aa: «Yɛɛ niaa co yɛ nuwviaa?» Má dimul ndu aa: «Kɔɔfa naa n co nuwviaa ni, kuɛɛ nɛ n co yɛ o yiya?»

Condii lisai 93:2

Sindɛ pá kpɛŋɛ lemasa nɔmndo kɛsin ni, a co le fɛɛn a fɛɛn.