Cɛɛŋɔnnda Yeremi lan 5:16 - BII BILA

¹⁶ Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

Cɛɛŋɔnnda Yeremi lan 5:16 Referans Kwoze

Condii lisai 89:39

Kɛ nduyɛ, á mal masa n pɔla-o, má tambu kɔllo a ndu.

Yeremi 13:18

Dimul masaa nda kalaa masaa aa: «La cal lɛŋ! Kani mɔsil lemasa kɛndɛ va nia o lebol-lo del lɛŋ.

SƐBƐ YƆB-O 19:9

O hɛlu bɛɛle vannda ndáà ke ya len ya o ba, o puu mɔsil lemasa va ya o lebol-lo.

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.

Esekiɛl 21:26

Kani masaa Babilɔn sim o nɛi-lábándoo, o nɛila tiɔnndan sondoo, le yavaa vomɔɔ. O co kɔɔn hiiloo, o co piɔmaa tongoninnda ɲunaa, o co yemndon mɛɛndianndo.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Cɛɛŋɔnnda Yeremi lan 2:1

«Éé vannda! La ce dɛnɛ nɛ? Maalii cii kobio Yerusalɛm kumbɔɔ a yumbuyumbu kɔl ndɔ tuwvo. O lo o halataala, mó viaw biilu Israɛlla o lɛŋnden coo. Tuma o tambu kɔllo a Israɛlla-o, mó pɔɛɛn maa ɲɛ ndɔ kɛsiaa n'peloo nda co ni.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Yeremi 4:18

«Tɔnɔ kela nɔm vɔɔndo n co hoo sɔlaa ni, dɛnnda nɔmnda vɔɔnndan pɛɛn. Dɛnɛ palaa co nɔm hoo coo-o co nɔm kindila mo tiiya nɔm sondoo lɛŋ dí, o tiiyanin nɔm kindilaa o kɔllo nin di.»

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Talelan 14:34

Dɛnɛ sandaa tosaa hivi lɛŋnden laci ni, kɛ kafalan la tuisì vanaa co o lɛŋnden nin-nda siɛmbulan ni.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Talelan 27:24

kani bolofaa co ɲɛ lɔ́ɔ́-lɔ́ɔ̀ le, pondale lemasalen bɛɛ le co ɲɛ fɛɛn-fɛɛn te.

1Samiɛl 7:6

Mí Israɛlla cuungian Mispa. Má kɔandu mɛnndan, má cuuŋuu man lɛŋ Mɛlɛka o hɔl, má bii sumndo paale len. O kon kɔɔli, má sɔlɔlan hakila ndáà cua a Mɛlɛka lan. Mispa lon Samiɛl siŋnun simlacinɔ Israɛlla ni.

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

Yeremi 32:23

Má hun cal o lɛŋnde len nin. Kɛ a tui nɔm diom te, a kela o tɔŋnda nɔmndan coo le, a tosa dɛnnda nɔm óò dimul nda le tosaa kpow lan te. Le hee n cuu dɛnnda palaalan ndan kpow ni!

Cɛɛŋɔnnda Yeremi lan 1:20

Éé Mɛlɛka! Tofa vɔ dɛnɛ palaa ya co nin-ndo! Niŋndo co ya ŋolɔɔ. Kɔllo laasian ya nin laasi-laasi, kani lekɛ́ndɛi vana nila kaloo ya yɔŋnun ni. Mɔɛi cɔwve ciilu ya cuavaa nia o bɛ́ɛ̀, n co cɛinin vana ca ko aa ciee-piɔ́m ni.

Misee 6:13

Lelan ya bɛɛ, i kpukpanin niaa a sangaa, mì tɛɛmbuu niaa le hakila niaalan.