Cɛɛŋɔnnda Yeremi lan 5:14 - BII BILA

¹⁴ Kaasoŋaa kɔlkalua co lɛ lakɔ o fonda dimia nsɔɔ le, felengia piaandua bɛɛ co lɛ n'condu soli le.

Cɛɛŋɔnnda Yeremi lan 5:14 Referans Kwoze

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Esekiɛl 26:13

I kpaanin vɔkɔ-vɔkɔ n'condu nɔmndo, vana tui lɛnin bangala nɔmndan diom te.

Dɛnnda cɔɔmuanndan 18:22

O kon vana tui lɛnin vanaa lɔaa labangaa, vanaa ɲɛ-caa, vanaa hɔŋaa masɛ̀ŋnda a vanaa hɔŋaa labulua diom lon te. Vana seelun ndɛnin vana baala laba kɛ́-kɛ̀ lon te, vana tui lɛnin diom iciee lon te.

Cɛɛŋɔnnda Yeremi lan 2:10

Kaasoŋaa kɔlkalua co Siɔn-nda co icali lɛŋ, a mei kpili. A cii loolio vownɔn o lebol, má vownun volɔɔla biisilan. Cuaa laandua Yerusalɛm a tundu bolle lɛŋ.

Cɛɛŋɔnnda Yeremi lan 1:19

I veelu vanáà yeema ya paandu-a, kɛ má hui ya. Mí vanaa-solia-lasálàà nia a vanaa nia silaa cuu vu o kobio nin, le ɲɛdiaa nuwviaa haliko mi ndáà lo yoomu.

Cɛɛŋɔnnda Yeremi lan 1:4

Dɛnɛ palaa tol nɛila kɔɛ Siɔn-ndan coo. Kani vana co lɛ hunɔɔ lon o kafolan te. Koŋnda Siɔn-ndan kpow la Siɔŋ. Vanaa-solia-lasálàà ndɔa co cɛɛŋɔnndo. Cuaambɔa lemboa ndɔa co a kɔl tambɛi bɛndoo. Mɔnɛi ndɔɛi co ibɔɔ dɛ!

Yeremi 25:10

I co vɔkɔ-vɔkɔ lakafo niaa, yoondiaala kɔlkɛndɛla niaalan a condun felengia co nɔlan kilaa sɛnɛi-ya cii, mì ɲumi diom lasunndo o cieon nin a ɲɛ-tengaa fitinaa.

Yeremi 16:9

Kani o ya Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: ‹I co vɔkɔ-vɔkɔ lakafo ndaa ɲumi, mì ɲumi yoondiaala ɲaalela ndalan a condun felengia co nɔlan kila sɛnɛiyo-a. La va vɔnin icali mì la ce ken ciŋ.›»

SƐBƐ YƆB-O 30:31

Le condun dɛnɛ palan kínɛí bondoma nuu co nin ni, Le diomnda vanaa caŋnda daama sɛ̀ŋnde nilen le caa nin hɔŋnɔnndo ni.»

SƐBƐ YƆB-O 30:1

«Nihau yɛ, i siŋnun ɲɛ lapisullo cuaambɔa ya cúú o kɔɔ-a o ba. Nduyɛ, paandu fuɲaa ndaa ve ɲɛ-ɲɛ ya o hɔl te, ndáà bɛnda hali le nda lueiyo tunaa nia tɛɛn te.

Tɔŋ miingua 16:18

«O kobila Mɛlɛka Hala niaa yɔngunin niaa lan kpow nin, la bɛnda mì la handu vanaa kialaa n'yamaa a vanaa sɛvaa o polama niaan coo. Nda vanin vannda yaman kiolɔɔ tɛɛn o sandei nin ni.

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.