Cɛɛŋɔnnda Yeremi lan 5:1 - BII BILA

¹ «Éé Mɛlɛka! Loonun a dɛnɛ komal naa-o. Tofa vɔ, ma ce siɛmbula co naa coo lan.

Cɛɛŋɔnnda Yeremi lan 5:1 Referans Kwoze

Habakuk 3:2

«Mɛlɛka, i tuei a nɔm o kɔɔ. Siòònde bii ya dɛnnda nɔmndan, Mɛlɛka. O vɔsilan ndan bɛngu, peelu dɛnnda kalalan. O vɔsilan ndan bɛngu, cɔm vannda dɛnnda vakpa. Kɛ o kɔl nɔm tuwvo nin, loonun, a ɲíí nɔmnde o kɔɔ.

Cɛɛŋɔnnda Yeremi lan 3:61

Mɛlɛka, a tuei ɲɛ va nda fulaa o sondo-o, a sina dúmbúla ndáà tuu le ya lan kpow.

Cɛɛŋɔnnda Yeremi lan 3:19

I yiyan pɛ siɛmbula bii ya lan a kelan fondo ya kei-yo, ɲɔɔ lol-la o kɔl maa ɲɛ lolo.

Cɛɛŋɔnnda Yeremi lan 2:15

Vanaa co hiovɔɔ-a kpow a co balan lɔɔ le tambii nɔmnde, a co huiyon hɔŋndo, mà va bolle hiŋndo le nɔm mamɔɔ le dɛnɛ yɔŋnun nɔm kobio Yerusalɛm-ndo, mà va ɲunanndo aa: ‹Vɛ̀ɛ̀ kobio ho ndáà veelu paandu ni aa: Naŋɔɔ bɛndoo a Kɔlkɛndɛ lelɛŋndo?›

Yeremi 15:15

Kɛ nɔm Mɛlɛka, a sina dɛnndan kpow. Yiyan ya coo, mà tosal-la kɛndɛi. Mingul vanaa co ya saangiaa-a maa, lo biuvɔnndo a nda mì dɛnɛ pala ya le. Sina pɛngu maa le nɔm ya co yeowlan biuvɔnndo ni.

Condii lisai 79:12

Maalii, vanaa súúla celeŋaa balu naa-a tiŋ nɔm! Mingul nda màá háá bɛmbɛ leŋɔmmɛw le yeowla nda yeow nɔm lan-ndan.

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.

Nehemi 4:4

Nduyɛ vannda Yuda va dimio aa: ‹Vanaa baalaa fula yoomuan, Puuloo co o bɔɔ! N nɔlanin kpakio ho mingio cɔvɔɔ le.›

Luke 23:42

O kon kɔɔli, mó dimul Yeesu aa: «Yeesu, loonun a ya telen n hunnin o masale nɔmnden nin-ndo.»

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Cɛɛŋɔnnda Yeremi lan 1:20

Éé Mɛlɛka! Tofa vɔ dɛnɛ palaa ya co nin-ndo! Niŋndo co ya ŋolɔɔ. Kɔllo laasian ya nin laasi-laasi, kani lekɛ́ndɛi vana nila kaloo ya yɔŋnun ni. Mɔɛi cɔwve ciilu ya cuavaa nia o bɛ́ɛ̀, n co cɛinin vana ca ko aa ciee-piɔ́m ni.

SƐBƐ YƆB-O 10:9

Loonun maa a bɔ́wvo n toosiaa ya ni, nduyɛ o cundoo nin n minginin ya vɛlɛ ni.

SƐBƐ YƆB-O 7:7

Éé Hala! Loonun maa hoeiye sii yoomu nuu co ni. Loonun vɛlɛ maa hɔlte nilen le ci lɛnin dɛnɛ kɛndɔɔ le.

Nehemi 1:8

Loonun a sɔɛi n dimul Moise vana nɔm baalaa-e, yandi. Má dimul ndu aa: ‹Te la cua pɛ hakio, i sɛŋinin niaa vanaa súúla celennda tɛɛn.

Nehemi 1:3

Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Condii lisai 119:153

Cɔ sanga co ya coo-o Mɛlɛka, mà baŋa ya, kani i co tɔŋ nɔmndo pɔɛɛnɔn te.

Esai 62:6

Nɔm Yerusalɛm, i kɛsi kpalilla o kpakila nɔmndan coo, vanaa kan bɛnda mà mei sondo le few, o va ipala, o va icɔl. Niaa vanaa co Maalii veeloo le loonɔnndo a Yerusalɛm o kɔɔ-a, pɛngi co le niaa le!

Cɛɛŋɔnnda Yeremi lan 3:50

háá mì Mɛlɛka lo nɛɛ o co o halataala-a, mò muli hɔlla mò tofa.

Condii lisai 74:18

Yiyan-ndɔ hee Mɛlɛka: Yaamɔɔa co nɔm mamɔɔ, diɔmnda co diola nɔmndan pɛɛsaa.

Yeremi 51:51

«Siɛmbulan pila o va le naa, telen naa n va nda tueyɔɔ naa yeowlan-ndo ni! O va bɔɔ siɛmbula bɛndu le naa telen mialla hin mà luɛi o fonda diandaa nin, o Cɛi-Hala-o nin-ndo.»

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Cɛɛŋɔnnda Yeremi lan 1:11

Vanaa ndɔa kpow a co kuŋndan, a co ɲɛdiaa nuwviaa. A cii vannda ɲɛm ndan sɔvɛɔn yɔngu le ɲɛdiaa sɔlaa, le mɛɛ nda sɔla yoomuan yɛ. Mó piɛi Mɛlɛka nuaa aa: ‹Éé Mɛlɛka! Tofa vɔ, mà ce mɛɛ ya tambu labɛɛ yɛ!›