Cɛɛŋɔnnda Yeremi lan 4:7 - BII BILA

⁷ Vanaa ndaa bɛndua ndáà hiow fengbɔɔ diondɔɔ, ndáà hiow nɔnɔɔ diondɔɔ. Kɔɔle ndalen léè hiow ningilaa a pow kpɔlɔkaa. Hɔlaa ndaa va tengaa maa pow safir.

Cɛɛŋɔnnda Yeremi lan 4:7 Referans Kwoze

Condii lisai 51:7

O hakio nin ya velun ni, o yɔŋ vɔɔndo nin kala nuu cua foli nuu ni.

Condii kɛndɛ-kɛndɛi 5:10

Hali vanapɔnɔ ya kaola hoo-o va bɛɛ vannda vaalan tɔ́ tɛɛn, o pɔwnun te. Kani o co o ningilaa, kɔɔle ndɔlen le co letengaa.

Condii lisai 144:12

Màá poaa naa va maa tɔlɔɔla vul mì la sandu sakpo o tasendɔ lan! Màá cuavaa naa laandua va maa sungbuma nda ŋɛmiŋɛmiaa o cɛi lemasaa nin-ndan!

1Samiɛl 16:12

Mí Yisai viam vanndo ndu veelu. Vana siaŋaa David va ni, ndóò naŋ hɔlla taw, ndóò caa vɛlɛ simndan. Mɛɛ o tiiya dɔ́ɔ́, mí Mɛlɛka dimul Samiɛl aa: «Hoo ya hɛli le siŋnɔnndo masaa ni. Cɔn ma pɔla ndu.»

Daniɛl 1:15

O palɛi ken mɛɛlulan, mó ca maa a sɔla falun kɛndɔn, má celul, má hiaw felengia va ɲɛdiaa lemasaa dioo-a.

Masaa kialaa n'yamaa 16:17

mó kumbil Dalila kɔllo kpow, mó dimul ndu aa: «Kabi bɛɛ yiiŋii nii kilun-ndɔ le, kani yáà vilun-ndɔ le, mí siŋnun teengen le Hala. Te vana kili ya pɛ yiinde, i fula mayoomu, i muungu maa vanndacieaa tɔ̀a.»

Masaa kialaa n'yamaa 13:7

Kɛ mó dimul-la aa i co folio cua mi velu poo, aa ya kol mamɔi le, ya kol ɲɛ-ɲɛ bii vana, mò hiŋ vana hɔlla le, ya dia vɛlɛ ɲɛdiaa nɔɔlɛi le. Kani aa po bɛnda mò siŋnun teengen le Hala-o po kon vanin ni, kandɔɔ ya o dembe háá a piɔ́m ndɔɔ.»

Masaa kialaa n'yamaa 13:5

le foli n co hunɔɔ cua-o, a le po nɔm n co hunɔɔ violɔɔ-o. Yiiŋii po kalaa bɛnda mì i kelun te, kani hɔ́ɔ́ kon siŋnunnin teengen le Hala lɔ́ɔ́ pá mó hun violun. Ndu kandunin Israɛlla baŋaa Filistia o ba ni.»

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

Fulaa 24:10

Má ca Hala Israɛlla. Pow yɛ́ndɛ́ ndóò kɛsi pelon coo-o va maa halataala diandaa, yinɔɔ biloo pow kon ndóò nɔ ni, diolan ndu aa «safir».

SƐBƐ YƆB-O 28:16

Vana tuu ndu a sianion Ofir le, vana tuu bɛɛ ndu a pow onikse le, te kon te a pow safir.

SƐBƐ YƆB-O 28:18

Vana singa ndu a koon ŋɛlɛngi-ŋɛlɛngion te, vana singa ndu a kristal te. Kɔlkaloo hiow yɔɔvala báà kalalan polon!

Condii kɛndɛ-kɛndɛi 5:15

Vana ca ko pelun ndɔn aa sungbuma nda cɔw a pow humboo-an ni, ma nda tɔl tumndan o sianin diandan nin-ndan pɛɛn. Vana ca ko hɔlaa ndɔa aa pembon Liban ni. O naŋ bɔɔ maa yɔm sɛɛdre.