Cɛɛŋɔnnda Yeremi lan 4:6 - BII BILA

⁶ Tɛɛmbuula vanaa nia la hiow levɔw a dɛnnda vɔɔnnda vannda Sodɔm tosa lan. Vana-vana hol nda ba le, má tambu o biɔŋɔɔ lepilɔɔ.

Cɛɛŋɔnnda Yeremi lan 4:6 Referans Kwoze

O Kandɔɔ 19:25

Mó tɛɛmbuu kobila lan a cieon va o tàndà kon nin-ndon kpow. Mí vanndacieea a yondo puiyaa va o tàndà kon nin-ndo cuu ŋɔ selemenden.

Luke 10:12

Mì dimul niaa, paale len, yamɛi Hala kilulnin Sodɔm-nde vanin fisa a i kilulunnin vanaa co o kobi kon nin-nda-e.»

Luke 12:47

Buɛi sina kon hɛnan vana ndɔ bɛndoo, kɛ o toosiaa ɲɛ-ɲɛ loo, o tosa vɛlɛ hɛnan vana ndɔ bɛndoo loo sɔlanin lɔɔ taw.

Matie 24:21

Kani tuma kon, sanga bɛndoo yɔŋnunnin. Kabi ceendo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Cɛɛŋɔnnda Yeremi lan 4:9

Vanaa co vuo o mɔɛi cɔwve bɛngu-a co fisa a vanaa co vuo a yiaan-nda. Vanaa co ɲawvo le pɛŋnde baloo-a, balo fula ɲɛm vaan nin-ndo pɛɛn.

O Kandɔɔ 19:24

O kon mí Mɛlɛka tuisi fungoo a yinnde bɛndu-bɛndulen o kobio Sodɔm a o kobio Komɔr coo, mí yinnde len le va fulaa o Mɛlɛka lo, o halataala, mí le va siaa nda coo maa piɔɔ.

Yeremi 20:16

Màá vana kon siŋnun maa kobila Mɛlɛka tɛɛmbuu ɲíí bii ndu le lan! Màá o tuei caŋnda imɔnɔlan idiiyo, mò tuei yondala cɔwlan a paalen o pol!

Esai 24:2

Sanga pilɔɔ kpé toalnin vannda kpede coo ni, vanaa-solia-lasálàá nda vanaa co vanaa-solia-lasálà le-a, vana bɛndoo nda cɛ ndɔɔ, vana bɛndu laandoo nda cɛ ndɔ laandoo, yulanɔɔ nda vana piandaa, vana dɔnda vanndo ɲɔɔ-o nda vana o dɔnda-o, vana yɔngu kueo-vo nda vana cua kueo-vo.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.