Cɛɛŋɔnnda Yeremi lan 4:4 - BII BILA

⁴ Kolɔɔ biyɔɔ cɛlɛkpɛa tei, mí diɛɛmuei biilan nda o sondolan lenin. Cuaambɔa co ɲɛdiaa piɛiyo, kɛ vana co le nda ndu keo le.

Cɛɛŋɔnnda Yeremi lan 4:4 Referans Kwoze

Condii lisai 22:15

I co saŋnɔnndo maa mamɛn, paalan la faŋan ya o boondon. Kɔllo siŋnun ya maa dukpa, o co ya tengaa nin.

Cɛɛŋɔnnda Yeremi lan 1:11

Vanaa ndɔa kpow a co kuŋndan, a co ɲɛdiaa nuwviaa. A cii vannda ɲɛm ndan sɔvɛɔn yɔngu le ɲɛdiaa sɔlaa, le mɛɛ nda sɔla yoomuan yɛ. Mó piɛi Mɛlɛka nuaa aa: ‹Éé Mɛlɛka! Tofa vɔ, mà ce mɛɛ ya tambu labɛɛ yɛ!›

Condii lisai 137:6

Màá sondoo vesa ya, te i ve lɛ loonɔn a nɔm o kɔɔ, mà siŋnun ɲɛ yɔngu ya ɲaaloo o kɔl ɲɛkɛndɛi-yo le!

Tɔŋ miingua 32:24

Yima fofolan ma co nda cii diw, dialun tuwvon a nàà halimaa vɔɔndo ciinin nda kpow. I tosanin mì visia biyaa a kɛvaa lólòla nɛyaa dɔw nda yɛɛvɛ.

Luke 10:11

‹Cundu co o niaa lo ciee nanu-o bɛɛ, n co ndu koŋɔɔ mò faŋan naa o n'pelu. Nduyɛ, la sina maa Masale Hala len le sɔɔnguu niaa ikɛi.›

Tɔŋ miingua 28:48

la tosalnin yaamɔaa Mɛlɛka viamnin mà bii niaa-a vallo a yiaan, a bolole vesɛilen, a fɛ́lio, a pɛŋnden. La nɔnin ɲɛ-ɲɛ o ba le. Yaamɔaa kan lonin niaa yɔlɔn n'cilinndon baa o labolo háá ma cii niaa diw kpede.

Yeremi 14:3

Vanaa bɛndua co buɛyaa ndaa vomɔɔ kela mɛnndan. A co kɔlan o soonnda mandaa mamɛnndan, ma va lan komallo la velɛilan, a co muungoo a ɲɛla ndala vovaa mamɛnndan fondo. Siɛmbula bɛndulan la bii nda ma kumbu hɔlla.

2Masaa 18:27

Kɛ mí bolle vanaa yɔngù masaa Asiri mɔiyan-nda mulul nda aa: «A ca ko aa o vana nɔm bɛndoo lo a o nɔm pila lo daama vana ni bɛndoo vem ya sɔɔn mun dimio ni? O vanaa co kan icali o kpakio coo-a lo kpow o vem ya ni, kani niaa ndaa vanin poola niaala niaa pila lan dioo a tuilima niaama niaa pila-an kolɔɔ ni.»

2Masaa 25:3

O paale ŋɔmahiɔɔlundɔlen coo o paangii hiɔɔlundɔɛi nin, mɛɛ yima bɛnduan máà luɛi o kobio nin yɛ, ɲɛdiaa ve lɛ le vanaa va lenin-nda le,

Esai 5:13

Lelan, vannda kɔanin a vanaa niaa o cɛlen nin le tùú nda kɛɛ le ɲɛ-ɲɛ bila biyɔɔ-o. Vanaa ndaa bɛndua cuunin vu a yiaan, vanaa niaa kalaa cuunin vu kpow a bolola vesɛilan.