Cɛɛŋɔnnda Yeremi lan 4:22 - BII BILA

²² Niaa vannda Siɔn, bɛpɛla niaa cuu le hakila niaalan. A kue lɛnin a niaa o cɛle celen nin te. Kɛ nia Edɔmnda, Mɛlɛka co hunɔɔ niaa lɔɔ le hakila niaalan, mò soli dɛnnda niaala vɔɔnndan ceen vakpa.»

Cɛɛŋɔnnda Yeremi lan 4:22 Referans Kwoze

Esai 40:2

La soo Yerusalɛmnda o kɔl, mì la yonda nda o lani, mì la dimul nda aa cɛle ndalen le cuu, a sɔla baŋaa a haki ndaa, o sɔla sala hakila ndɔlan kpede Mɛlɛka o ba!

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Condii lisai 137:7

Éé Mɛlɛka! Loonun ndɔ ɲɛ Edɔmnda va dimio paale vannda del Yerusalɛm coo len aa: «La puusiaa ndu, la puusiaa ndu háá nɛɛ o kilan tum-nda!»

Malasi 1:4

Te Edɔmnda dimi pɛ aa: ‹A tɛɛmbuu naa, kɛ n co muungu mì n tangul vɛlɛ o bémbéla naalan coo›, Mɛlɛka-Nɔ-Kpaayaa-Kpow-vo dimi aa: ‹A mingi tangul tuŋ, o co vɛlɛ puusiaa.› Má ke lɛŋnde ndalen diolan aa lɛŋnde kɔlvesɛilen, lɛŋnde vanaa kɔltuw Mɛlɛka-o cuu kuee le-a pɛɛn.

Esekiɛl 37:28

O kon, lɔ́ɔ́ cɛi-kola-toandaa diandaa nuu vanin nda tɛɛn le lɔ́ɔ́-lɔ́ɔ̀-o, vanaa-mangalaa-isɔɔa sinanin maa ya co Mɛlɛka co Israɛlla dindio-o ni.

Cɛɛŋɔnnda Yeremi lan 4:21

Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Cɛɛŋɔnnda Yeremi lan 4:6

Tɛɛmbuula vanaa nia la hiow levɔw a dɛnnda vɔɔnnda vannda Sodɔm tosa lan. Vana-vana hol nda ba le, má tambu o biɔŋɔɔ lepilɔɔ.

Yeremi 33:8

I dindinin nda le hakila ndáà cua a ya lan kpow. Mì mal nda haki le nila kalula nda tosa, má cua hakio a ya lan.

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.

Esai 60:18

Vana tui lɛnin dɛnɛ kɔlvesɛiyo tɔ́ɔ́ o lɛŋnde nɔmnde nin te, vana tui lɛnin dɛnɛ tambɛiyo a ɲɛ puusiɛiyo tɔ́ɔ́ o pɛɛngula lɛŋnde nɔmnden te, a kenin kpakila nɔmndan diolan aa «Cindaa» mà ke diola luɛyaala nɔmndan diolan aa: «Lisaa.»

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Yeremi 33:7

I minginin vanaa ndáà bii Yuda-a, a ndáà bii Israɛl mí ndáà kɔa a nda o biyɔɔ nin-nda mɛɛ nda va o tasendɔ yɛ.

Yeremi 49:10

Ya pila yunganin niaa yungu Esau-vo ni, mì soli dɛnnda niaala viannanndan ceen. La nɔla lɛnin vionnɔnndo le. Cuavaa niaa kpow, puapilɛa niaa, a vanaa niaa cal latulu-a cuunin. Vana-vana dimulnin niaa aa:

Esekiɛl 6:12

Vanaa vanin levil-la nda vunin a nàà halimaa, mì vanaa vanin macɛlu-a nda vi a yima fofolan. Kɔl ni tuwvo kpow hulunnin nda coo.

Malasi 1:3

mí kɛɛ Esau. Mí tuisi vanaa ndɔa co icali o pembon coo-a dɛnɛ palaa coo. Mí mal nda tivolaa co o lɛŋnde veselɛilen nin-nda o ba.

Abdia 1:10

«Le kɔlvesɛi niaa tosal puapilɛa niaa-o, cuavaa Yakɔb-a pɛɛn, siɛmbulan la toalnin niaa, mì niaa pila cuu le fɛɛn a fɛɛn.