Cɛɛŋɔnnda Yeremi lan 4:21 - BII BILA

²¹ Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Cɛɛŋɔnnda Yeremi lan 4:21 Referans Kwoze

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

Amɔs 1:11

Nuaa Mɛlɛka soo ni aa: «Le yɔŋnda vɔɔnnda yàála Edɔmnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tow puapilɛa ndaa, má ɲaanun nda kɔɔli a mɔɔn cɔwvon, má kɛɛ le nda ɲííye tuinɔnndo, má tuisi nda kɔltuw ndaa coo. A co kɔl nda fulaa mandanndo nin le lɔ́ɔ́-lɔ́ɔ̀.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

Condii lisai 137:7

Éé Mɛlɛka! Loonun ndɔ ɲɛ Edɔmnda va dimio paale vannda del Yerusalɛm coo len aa: «La puusiaa ndu, la puusiaa ndu háá nɛɛ o kilan tum-nda!»

Misee 1:11

Vanlaandua Safir, la hiow kɔɔle fondo mì siɛmbulan la bii nia. Vanlaandua Saanan nda tɔ́ɔ́ndàn bɛɛ ma faŋan o ciee nda co nin-ndo le. Caŋndan la co Bɛt-Esɛl, mò va maa lon malaa fulanin ni?

Abdia 1:1

Vundule Maalii Hala cɔm Abdia len, sɔɛi o cɔm ndu a tambii Edɔm-nde o kɔɔ-e. «N tuei yoongu Mɛlɛka-o, o kiilaa pum co vanaa-mangalaa-isɔɔa tɛɛngullo-o aa: ‹La cɔn mì n kɔ delnun Edɔm coo a cɔwvo!›

Esekiɛl 26:2

«Po vanacieo sei, kobio Tir mam kobio Yerusalɛm, mó dimi aa: ‹O piɔsipiɔsi fɔ́! Dio luɛyaa vanaa-mangalaa-isɔɔa piɔsi vɔ́-vɔ́! O ya lo vannda co nin mulin hunɔɔ ni, ya i pianin cá, kɛ ndu ndu siŋnun ciee pɔmndo.›

Esekiɛl 25:8

Nuaa Maalii, o co Mɛlɛka-o dimi ni aa: «Le tùú vannda Moab a haa Seir a dimi aa: ‹Cuawva Yuda siŋnun maa vanaa-mangalaa-isɔɔa kpow-vo.›

Esekiɛl 25:6

Kani nuaa Maalii Hala dimi ni aa: «Le tùú niaa tɛm balan mì la kundu pelon lɛŋ-ndo, le tùú niaa dɔwnun ɲaale a nɛyɔn Israɛlla o lakɔl, mì la pɛɛsa nda-o,

Yeremi 49:12

Kani diom Mɛlɛka dimi-o co hoo ni aa: «La yaŋ nilan ɲɛkɛndɛi, vanaa yáà beŋ le taala kólaa kɔltuw nuu kolɔɔ le-a, má kol ndu. Yee niaa yungu Edɔm-ndo ya mɛinin ndon ni? Kɛì-kɛì bɛɛ! Mɛɛ mì la kol ndu kangalan.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

2Dɛnnda lemasalan 28:19

Le tùú Ahas masa Israɛlla luei Yudaa o laasianndo nin, mí ndu pila mulul Mɛlɛka kɔɔ-o Mɛlɛka tuisi nda siɛmbulan lende ni.

O Kandɔɔ 36:28

Poaa Disan-nda yɔŋnun Ut nda Aran ni.

Habakuk 2:16

La cii bɛɛle va le niaa len tɛɛmbuu, siɛmbulan la vanin le niaa. Mɛɛ niaa bɛɛ, la kol mì la fula tumnda fondo! Mɛlɛka co niaa lɔɔ a kɔl ndɔ tuwvo, mì bɛɛle niaalen le siŋnun siɛmbulan.

Yeremi 49:7

Sɔɛi fula Mɛlɛka-Nɔ-Kpaayaa-Kpow-vo o sondo a Edɔm o kɔɔ-e co hee ni aa: ‹Vɛ̀ɛ̀ vana kɔlkalu co lɛ Teman te? Mò va maa dɛnɛ sinaa vanaa kɔlkalua laasian? Bàà tambei kɔlkalu nda tambu ni?