Cɛɛŋɔnnda Yeremi lan 4:20 - BII BILA

²⁰ Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

Cɛɛŋɔnnda Yeremi lan 4:20 Referans Kwoze

Esekiɛl 12:13

I toandunin yala nuu ndu coo, mò haw o yaŋɔɔle nilen. I kɔanin a ndu Babilɔn, lɛŋnde Kaldea pɛɛn, kɛ o cinin lɛŋnde len a lehɔl te, mò vi lon.

Yeremi 39:5

Kɛ mí vanaa cɔvaa Babilɔn-nda ɲaanun nda kɔɔli, má bendal Sedekia o dɛngbɔɔ Yeriko nin. Má bii ndu, má kɔa a ndu Ribla o Nebukanɛsar masaa Babilɔn-ndo, mó kialu ndu iyama.

2Samiɛl 19:21

Kani i sina lekɛ́ndɛi maa i cua hakio a nɔm. Lelan ya yɔŋnun hau vana tasoo fulaa o polale Yosɛf len nin ni, le hunɔɔ nɔm masa nuu bɔŋaa.»

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

2Samiɛl 1:21

Pembon Kilboa, màá mɔ́mndo a piɔɔ toal-lɛ niaa coo le! Màá vana ca lɛ ciɛɔn kɛndɔn niaa coo le! Kani niaa coo siɛmbulan la tol kɔ̀ɔ̀la cɔwla kuubaa cɔwva ni! Kɔ̀ɔ̀ cɔw Saul-lo suínùn ndɛnin macuɛi lɔ́ɔ́-lɔ́ɔ̀ le.

2Samiɛl 1:14

Mí David ɲuna ndu aa: «Vɛ̀ɛ̀ siòòŋii bii nɔm le masa Mɛlɛka pɔla-o diyɔɔ le?»

Esekiɛl 17:18

Kabi o pɛɛsa mɛnan o mɛnan-ndo, mó tɛɛmbuu kpemaa, nduyɛ ndóò ciinin laba sɔɔ mó cɛl. Lelan mɛɛ o tosa kon kpede yɛ, o helunnin te few.

Yeremi 52:8

Kɛ mí vanaa cɔvaa Babilɔnnda yim masaa Sedekia kiltan kɔɔli, má kɔ bendal ndu o dɛngbɔɔ Yeriko nin, mí vanaa ndɔa cɔwva kpow ɲaanun, má mɛi ndu.

2Samiɛl 18:3

Kɛ mí vanaa cɔwva dimul ndu aa: «O bɛnda mì n kɔɛ naa niaa le cɔwvo tosaa le. Kani te yaamɔɔa kɔ tow naa pɛ, o co naa le nda canin ɲɛ le. Hali a diw bɛɛ vannda baa pilɔɔ naa tɛɛn kpow, kon venin vɛlɛ nda o hɔl ɲɛ-ɲɛ le. Kɛ nɔm pilɛ kpé, a co le vanaa cɔwva vaalan tɔ́. Lelan o co fisa ma lo ciee, nɛɛ dɛnɛ kendu pɛ, a lo ciee a mala naa.»

1Samiɛl 26:16

Dɛnɛ n tosa kon-ndo niŋ te. Lelan te Mɛlɛka co yoomu, fɔ mì niaa kpow la sɔla piɔ́mndo! Kani la kanda vana nia bɛndoo le, masa Mɛlɛka pɔla-o pɛɛn. La tofa vɔ masaa o bollen coo. Ɔ́ɔ̀ bállo a bɔlɔ ndɔ mamɛnndo?»

1Samiɛl 26:9

Kɛ mí David mulul Abisai aa: «Dii ndu le! A sina pá maa vana-vana hol pɛ masa Mɛlɛka pɔla-o baa, vana kon sɔla sangaa?»

1Samiɛl 24:10

Mó ɲuna ndu aa: «Le yɛɛ nɛ n co yɛ vanaa co nɔm dimullo aa David yeema dɛnɛ nɔm kɛndɛ le-a delɔɔ kɔɔli?

1Samiɛl 24:6

Kɛ mí kɔllo kandu ndu fulaa taw le bɔ̀ɔ̀le doma bɛndu Saul-te o kelu len-nden.

1Samiɛl 16:6

Tuma nda tiiya-o, mí Samiɛl del Eliab lehɔl, mó dimi o kɔl nin aa: «Hoo ndu kɛsɛ-kɛsɛ, ndu Mɛlɛka hɛli ni.»

1Samiɛl 12:5

Mí Samiɛl cua vɛlɛ sɔɛi, mó dimi aa: «Mɛlɛka a masa o pɔla-o co lesei hau, maa i tɛɛmbuu isɔɔ-sɔɔ a vana o niaa tɛɛn te.» Má mulul ndu aa: «Oi, a co lesei».

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

O Kandɔɔ 44:30

Le hee, te i muungu pɛ fuɲa nuu o ibuŋ, mì kue a poombɔ o holnun hoo holnɔn bɛndoo mó kaola ndu taw-vo le,

2Dɛnnda lemasalan 35:25

Mí Yeremi soli condii biisiei le Yosia. Háá hau, vanaa solia n'condua, vanpiaandua a vanlaandua kpow a co vɔ condii ken solio o biisilan coo le loonɔnndo a Yosia o kɔɔ. Mí sɔɛi ken siŋnun namoo o lɛŋnde Israɛl-ten nin. Condun mun n co n'sɛvaa o sɛbɛla condun labiision nin.

Yeremi 52:9

Mí Babilɔnnda bii ndu, má yàà ndu o masa ndaa lo, nɛɛ o va Ribla o lɛŋnde Hamat len nin-nda. Lon o kelu yamɛi ndɔɛi ni.

Daniɛl 4:12

Kɛ mì la mɛi ciiye a puundon yondoo nin, mì la yii ndi a yɔlɔn n'cilinndon a á yɔlɔn n'daɲan. Màá i liva o kɛmndan nin, mì i de billo maa visi!

Masaa kialaa n'yamaa 9:15

Mí bɔ̀ɔ̀ n'yɔɔ muli aa: ‹Te la yeema pɛ le ya kɛsio masaa lekɛ́ndɛi niaa coo, mɛɛ la hun luɛi o vunduma nian bɛngu. Te la tosa kon te, yinnden le co fula o yɔɔn nun nin mì le lom yɔmii sɛɛdrii co Liban-nde.›»

Esai 32:2

O nda tɛɛn, vana-vana vanin maa nɛɛ yifannda le hoeyii hɔŋɛi a nɛɛ viannannda le hoeyii fùkù-fùkùei, a vanin maa pee mɛmma volo-voloo o fonda vesɛiyo coo, maa vunduma pow kpovaa bɛndoo o lɛŋnde veselɛilen nin.

Esekiɛl 31:17

Mí yɔmii ken bɛɛ i toal ciee-piɔ́m a yɔm bɛndu kon latulu, nɛɛ vanaa vi o mɔɛi cɔwve bɛngu-a co-a. Kani vanaa kan va tiindan ndɔɔ ni, nda va icali o vunduma ndɔan bɛngu o vanaa-mangalaa-isɔɔa kpede tɛɛn ni.

Osee 13:10

Ɔ́ɔ̀ niko masa niaa? Mɛɛ o baŋa niko niaa o kobila niaalan kpow nin! Kuɛɛ simlacia niaa co yɛ? A niaa va dimio a nda o kɔɔ aa ya ke niaa masaa a simlacia-a pɛɛn.