Cɛɛŋɔnnda Yeremi lan 4:17 - BII BILA

¹⁷ Hɔlta naalan la co sangaa tofaa le mala sɔlannin too cumndo. Cumndo tuŋ naa n va o fondala naala cumulaa lan ni. N sanga vanaa-mangalaa-isɔɔa pum cumndo le naa baŋaa, kɛ a hin te few.

Cɛɛŋɔnnda Yeremi lan 4:17 Referans Kwoze

Esekiɛl 29:16

Cuavaa Israɛlla tiindan ndɛnin nda le fɛɛn a fɛɛn te. Esipte vanin maa ɲɛ loonan haki le pɔwla vanaa nia ndáà pɔw má kɔ sɔɔnun Esiptea o ba lan. O kon, vannda sinanin maa ya co Maalii ni, Mɛlɛka pɛɛn.»

Esai 20:5

O kon, siòòŋii bɛnduei a siɛmbulan la biinin vannda le lɛŋnde Etiopii le ndáà tiindan-nden a le lɛŋnde Esipte le nda va kuundianndo len.»

2Masaa 24:7

Masaa Esipte fula lɛ o lɛŋnde ndɔle len nin te, kani masaa Babilɔn ndóò cii nin lɛŋii va ndu o ba bɛngu-e kpow hiɔlɔɔ, cɔnɔnndo o pee pɔmbɔɔ Esipte kɔlan háá o peo Efrate.

Cɛɛŋɔnnda Yeremi lan 1:19

I veelu vanáà yeema ya paandu-a, kɛ má hui ya. Mí vanaa-solia-lasálàà nia a vanaa nia silaa cuu vu o kobio nin, le ɲɛdiaa nuwviaa haliko mi ndáà lo yoomu.

Cɛɛŋɔnnda Yeremi lan 1:7

Telen Yerusalɛm va o siɛmbulan nin mó va kelan fondoo-o, mó loonun a ɲɛm sɔvɛn ndóò nɔ kabi paandu-on kpede. Telen yaamɔɔa bii vanaa ndɔa vana-vana ve le nda mala loo, mí yaamɔaa ndɔa kan va ndu tofaa, má ndu mamɔɔ le tambii ndɔɛi.

Yeremi 8:20

Telen koavaa hiow, vɔɔlen le cuu, kɛ n sɔla cinda le few!

Yeremi 2:36

Le yɛɛ nɛ niaa co yɛ keleŋa bɛndoo ho le kela niaa mangalaa? Siɛmbulan la biinin niaa a Esipte maa mɛɛ la bii niaa a Asiri yɛ.

Yeremi 2:18

Vɛ niko nɛi Esipte-o biyɔɔ? Bàà le mɛmma peo Nil kɔlan kolɔɔ ni? Le yɛɛ n bii yɛ nɛiyo le kɔlan Asiri? Bàà le kɔlan mɛmma peo Efrate kolɔɔ ni?

Esai 28:18

Kpema co piɔ́mndo tɛɛn a niaa-o tambunin, cɛlan co niaa tɛɛn a ciee-piɔ́m-ndo lonin te. Te kpundɛ bɛndu kon del pɛ, o nɛwnin niaa, mò pesipesi niaa.

Yeremi 2:37

Lon bɛɛ, a balan o lebol niaa fulanin ni, kani Mɛlɛka kɛɛ vanaa niaa tiindan-nda, la sɔlanin vɛlɛ mala nda o ba le.»

Cɛɛŋɔnnda Yeremi lan 5:6

N co balan siɛndio o Esiptea lo a o Asiriia lo haliko mi n sɔla ɲɛdiaa mò tiw naa.