Cɛɛŋɔnnda Yeremi lan 4:16 - BII BILA

¹⁶ Mɛlɛka pila cii nda saŋɔɔ, o nɔ lɛ nda lehɔl coo le. Vannda ke vanaa-solia-lasálàá lebɛɛ le, a tosa iɲíí a bɛndua yuuvɛiya le.

Cɛɛŋɔnnda Yeremi lan 4:16 Referans Kwoze

Cɛɛŋɔnnda Yeremi lan 5:12

A biw vanaa kùndàá má landu nda, tosa lebɛɛ a kaasoŋaa yuuvɛiya le.

Hebreea 8:9

O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Tɔŋ miingua 32:26

Mí dimi aa i yeema mì saŋ nda fásàn. I yeema mì ɲumi diola ndalan vanndacieea tɛɛn.

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Condii lisai 106:44

Kɛ mí Mɛlɛka tuɛi cɛɛŋɔnnda ndalan diom, mó ca sanga nda va nin-ndo,

2Dɛnnda lemasalan 36:17

O kon, mí Mɛlɛka viam masa va Babilɔn-ndo, mó kuel nda a cɔwvo. Mó diw langbaa felengia ndaa o Cɛi-Diandaa ndaa nin, vana-vana helun te, kandɔɔ a langbaa felengia, vanlaandua felengia, kɔlan biyɔɔ a vanaa yuuvɛiya, mí Mɛlɛka mal nda ndu o ba kpow.

O Kandɔɔ 49:7

Dangaa co o kɔl nda tuw nɔ iɲíí loo a o kela nda kɔlvesɛi bɛndoo coo. I co nda sɛŋi o lɛŋnde Yakɔb len nin, mì saŋ nda o lɛŋnde Israɛl-ten nin fásàn.

Yeremi 52:24

Mí bolle kpalilla bii Seraya bolle vanaa-solia-lasálàá, Sofoni vana va ndu ikɛi o baalaa nin-ndo a vanaa-solia-lasálàá yaa va le cumullo o dio Cɛi-Hala-o sondoo-a.

Cɛɛŋɔnnda Yeremi lan 2:6

Mó pial kunga nakɔ ndɔɔ, mó tɛɛmbuu fonda náà n cuungian ndu o hɔl-lo. Mí Mɛlɛka tosa mí vannda Siɔn pɔɛɛnun kafolan a cuungiannda palɛi pɛngiaalan. Mó tɛɛmbuu masaa a vanaa-solia-lasálàá bɛ̀ɛ̀lan a kɔltuw bɛndoo.

Condii lisai 106:27

Mó toaw cuavaa ndaa imamaa, má sɛŋin nɛɛ-nɛɛ ka, má kɔ vu vanaa-mangalaa-isɔɔa tɛɛn.

Esai 24:2

Sanga pilɔɔ kpé toalnin vannda kpede coo ni, vanaa-solia-lasálàá nda vanaa co vanaa-solia-lasálà le-a, vana bɛndoo nda cɛ ndɔɔ, vana bɛndu laandoo nda cɛ ndɔ laandoo, yulanɔɔ nda vana piandaa, vana dɔnda vanndo ɲɔɔ-o nda vana o dɔnda-o, vana yɔngu kueo-vo nda vana cua kueo-vo.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Esekiɛl 5:10

Lelan, fuɲaa sɔamnin poaa ndaa niaa tɛɛn, poaa bɛɛ sɔamnin fuɲaa ndaa. I kilulnin niaa yaman nun mì tuisi niaa sangalan coo. I saŋnin vanaa lonin yoomu o niaa tɛɛn-nda kpow o hoeyun vanin hɔŋndo nɛɛ-nɛɛ ka-on nin.