Cɛɛŋɔnnda Yeremi lan 4:10 - BII BILA

¹⁰ Hali a kaola vialaa vanlaandua nɔ-o kpow, nda pila co cuavaa ndaa yawvo le dioo, le dɛnɛ palaa bɛndu tol nda coo-o.

Cɛɛŋɔnnda Yeremi lan 4:10 Referans Kwoze

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Esai 49:15

Vɛ̀ɛ̀ vanalanɔ komsaa nɔla pá mò pɔɛɛnun cɛlɛkpɛ o co vɔɛsio-o? Vɛ̀ɛ̀ ɲíí bii ndu a hɔ́ɔ́ o solin o ipulu-o le? Hali ndóò va bɛɛ maa komsaa nɔla mò pɔɛɛnun cɛlɛkpɛ ndɔɔ, ya ya, i pɔɛɛnunnin niaa co Siɔn-nda le few!

Yeremi 19:9

Yaamɔa ndaa hunnin mà tiila kobi ndaa le ndu delɔɔ coo. Dɛnɛ palaa bɛndoo toalnin vanaa vanin o kobi kalaa nin-nda coo háá mà de cuaa ndaa, mì nda pila sɔaman.

Esekiɛl 5:10

Lelan, fuɲaa sɔamnin poaa ndaa niaa tɛɛn, poaa bɛɛ sɔamnin fuɲaa ndaa. I kilulnin niaa yaman nun mì tuisi niaa sangalan coo. I saŋnin vanaa lonin yoomu o niaa tɛɛn-nda kpow o hoeyun vanin hɔŋndo nɛɛ-nɛɛ ka-on nin.

Cɛɛŋɔnnda Yeremi lan 4:3

Hali tivolla, mà soli mɛɛyan le cuavaa ndaa vɔɛsio. Kɛ vanaa nia siŋnun vanaa kɔlvesɛiya maa soninkɔnɔa co o lɛŋnde veselɛilen nin-nda.

Cɛɛŋɔnnda Yeremi lan 3:48

Mɛmɛan ma co ya tolɔɔ maa mɛmma pee pɔmbɔ, le kpundɛ tol vanaa nia coo-o.

Tɔŋ lasálàá 26:29

La sɔamnin poaa niaa a cuavaa niaa laandua.

2Masaa 25:3

O paale ŋɔmahiɔɔlundɔlen coo o paangii hiɔɔlundɔɛi nin, mɛɛ yima bɛnduan máà luɛi o kobio nin yɛ, ɲɛdiaa ve lɛ le vanaa va lenin-nda le,

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Esai 22:2

Nɔm kobi vɔkɔ-vɔkɔ bɛndoo co hoo nin-ndo, nɔm kobi bɔɔluu kɔlkɛndɛ bɛndoo co hoo nin-ndo, vanaa vunin o vanaa nɔmnda tɛɛn-nda, a vinin o mɔɛi cɔw bɛngu le, a vinin vɛlɛ o cɔw nin te.