Cɛɛŋɔnnda Yeremi lan 4:1 - BII BILA

¹ «Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

Cɛɛŋɔnnda Yeremi lan 4:1 Referans Kwoze

Cɛɛŋɔnnda Yeremi lan 2:19

Cɔn ma lɔl yondaa pii. Tɔɔnun kɔl cɛ́kɛ́lɛ́ Mɛlɛka o hɔl. Heelu balan o ndu lo mà piɛi ndu le cuavaa nɔmaa co vuo o nɛilan coo a yiaan-nda.

Esai 1:21

Kpòkóó dɛnɛ! Kobi vannun hoo sakpo-o siŋnun kobi suunda leyulaa fɔ́! Kobio ho vannun paandu o piaa cá a sandei, dɛnɛ sandaa va o tɔalaa lenin pí! Kɛ sisa, vanaa diuvaa n'vannda kposon co lenin ni.

Matie 24:2

Kɛ mó dimul nda aa: «La ce mɛɛ o co kpede yɛ le? I co niaa toɲaa dimul, powvo pilɛ bɛɛ lonin o powvo coo le, la co koombiaa kpow.»

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Esai 14:12

Nɔm ɲɛ diandaa bɛndoo, nɔm ɲɛ-tengaa idiiyo, vɛɛ nɛ n looku yɛ fula o halataala ma del? Nɔm va vanaa-mangalaa-isɔɔa nɔlaa-o, a del má toal lɛŋ dí!

Marke 13:2

Mí Yeesu mulul ndu aa: «A ce tangulta bɛndulan ndan te? Powvo pilɛ bɛɛ lonin o powvo coo le, la co hunɔɔ koombiaa kpow.»

Esekiɛl 22:18

«Po vanacieo sei, cuavaa Israɛlla siŋnun ya o hɔl maa poola icilin, a siŋnun kpow maa idaɲa, maa volin humbu, maa ciliŋii dingɛn.

Misee 1:6

Maalii dimi aa: ‹Lelan, i co Samari mingi bémbélan kposon, mì mingi ndu yondo tɔalaa rɛsɛnndo, mì pimbul powta ndɔlan o bóllo nin dí, mì soli nɛɛ o kilan lɛŋ-nda ceen déŋ.