Cɛɛŋɔnnda Yeremi lan 3:53 - BII BILA

⁵³ À mal-la o kiyɛiyo o soondo nin, má va ya viiyo a powtan haliko mi vi.

Cɛɛŋɔnnda Yeremi lan 3:53 Referans Kwoze

Daniɛl 6:17

O kon, mí masaa yɔngu diomndo, má hun a Daniɛl, má viaw ndu o soon yàlàá nin. Mó dimul Daniɛl aa: «Màá Hala nɔm n co baalaa tosallo lɔ́ɔ́-lɔ́ɔ̀-o ciindiaa nɔm!»

Yeremi 38:9

«Masaa, vana ni bɛndoo, dɛnɛ vɔɔndo vannda ha tosa le Yeremi vana-tɛɛngaa-diom Hala-o malɔɔ o soondo nin ni. O lonin ndon mò vi a yiaan, kani bulu co lɛ cieo coo le.»

Yeremi 38:6

O kon má bii Yeremi le ndu viovɔɔ o soon mamɛn Malkiyahu po masaa-o nin. O falii cɛi kaasoo soon kalaa va ni, má tuisi Yeremi lenin o yoei. Mɛmma ve o soon kalaa nin te, kɛ loolio va lenin, mà tuisi Yeremi o looli kon nin.

Yeremi 37:16

Nuaa nda mal Yeremi o kaasoo ni. O cɛi va o lɛŋnden bɛngu-o nin, mó viaw lon taw.

Matie 27:66

O kon má kɔa, má kɔ beŋul sɛiyo ɲɛkɛndɛi, má kɛsi vannda cumullo o sondoo.

Matie 27:60

mó kɔ kɛsi mun o sɛi ndu pila ndóò tuwnun o powvo nin-ndo nin. O kon kɔɔli, mó ɲindu pow bɛndoo pum o sɛiyo sondoo, mó kɔannun.

Yeremi 37:20

Lelan masaa, i tɛɛlun nɔm vana ni bɛndoo, mà yaŋ ya nilan, mà tuei tɛɛlɔn ya co nɔm-ndo! Mingi ya o Yanatan vana sɛvaa lo le, yɔŋii ya kɔ vu lon.»

Yonas 2:1

Mɛɛ nda mal dɔ́ɔ́ Yonas o mɛnndan nin, mí Mɛlɛka yaa suw bɛndoo pum, mó mial ndu. Palɛi ndii yáá, niinoo a lɔan, Yonas va suwvo o dembe.

Daniɛl 6:18

O kon, má handu pow bɛndoo o sóóndó sondoo. Mí masaa handu vɛlɛ tɔɔmasele kelɛi ndɔɛi a tɔɔmasele kelɛi vanaa bɛndua, haliko ɲɛ-ɲɛ mangalan o dɛnɛ Daniɛl-lo nin te.