Cɛɛŋɔnnda Yeremi lan 3:51 - BII BILA

⁵¹ Hɔlta nilan la luei ya o sangaa nin, le tùú ya co cuavaa laandua kobi nuu cɔu o sangaa nin-ndo.

Cɛɛŋɔnnda Yeremi lan 3:51 Referans Kwoze

Cɛɛŋɔnnda Yeremi lan 5:11

Vannda co vanlaandua Siɔn kpuuvia, à co cuaambɔa lemboa laasiaa o kobilan Yuda nin.

Cɛɛŋɔnnda Yeremi lan 2:21

Cuaambɔa a kaasoŋaa yuuvɛiya co ihini lɛŋ lɛtɛu o nɛilan lekɔɔ. Cuaambɔa lemboa a felengia piaandua nia cuu o mɔɛi cɔwve bɛngu. Paale n fula kɔllo len n diw nda ni, a yɔŋ iɲíí le, má kili nda bololan.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Yeremi 19:9

Yaamɔa ndaa hunnin mà tiila kobi ndaa le ndu delɔɔ coo. Dɛnɛ palaa bɛndoo toalnin vanaa vanin o kobi kalaa nin-nda coo háá mà de cuaa ndaa, mì nda pila sɔaman.

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yeremi 14:16

Vanaa nda co siɔdii laci kon dimullo-a yɛ, a delinin o nɛilan Yerusalɛm coo a cɔwvo a á yima fofolan. Vana-vana venin le laandaa ndaa, poaa ndaa, te kon te cuavaa ndaa laandua kumbɔɔ le. Lende ya cuiŋinin dɛnɛ nda vɔɔndo nda pila coo ni.

Yeremi 11:22

Ɲɛ Mɛlɛka-Nɔ-Kpaayaa-Kpow-vo dimi le nda-o co hoo ni aa: «I co nda simul, langbaa felengia ndaa vunin o mɔɛi-cɛwve bɛngu, mì poaa ndaa a cuavaa ndaa laandua vi a yima fofolan.

O Kandɔɔ 44:34

I bɛnda mì muungu o fuɲa nuu lo le, te o co a poombɔɔ ho le. Kani i yeema mi kɔ cɔ fuɲa nuu mɔnɛi biyɔɔ le.»

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Cɛɛŋɔnnda Yeremi lan 3:50

háá mì Mɛlɛka lo nɛɛ o co o halataala-a, mò muli hɔlla mò tofa.

Cɛɛŋɔnnda Yeremi lan 3:52

Vanaa co ya yɛlen tollo o fondo fúúo coo-a va ya tovɔɔ mɛɛ vana toaw yowvo nuaa yɛ.