Cɛɛŋɔnnda Yeremi lan 3:40 - BII BILA

⁴⁰ N mɛɛndian ndɔ kelala naalan, n dɔwnun-ndɔ lan taasi, o kon, mì n muungun Mɛlɛka o ibuŋ.

Cɛɛŋɔnnda Yeremi lan 3:40 Referans Kwoze

2Korɛntea 13:5

Niaa pila yaasiaa vɔ kɔlta niaalan ɲɛkɛndɛi, le sinaa te la nɔ pɛ laalanndo. Niaa pila solin kɔlɔ. Vɛ̀ɛ̀ la co sínà le maa Yeesu Krista co niaa nin? Te la cee kɔlɔ solin te, fɔ le kon.

Condii lisai 119:59

I keelaa kɔllo o nɛila nɔmndan coo, mí kela o tɔŋnda nɔmndan coo.

Condii lisai 4:4

La sinà hee pɛngu: Mɛlɛka kuundiaa vana lo o lediom coo a ndu-o ni. Te i veelu pɛ Mɛlɛka, o tuei ya diom.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

1Korɛntea 11:28

Lelan, vana-vana yaasiaa fɔlɔn kɔl ndɔɔ, malan o dia buloo ho, mò kol o taala kólaa ho nin,

1Korɛntea 11:31

Kɛ te naa pila n yaasiaa pɛ kɔlta naalan, a kilunin naa iyama le.

2Dɛnnda lemasalan 30:6

Mí kiilaa kɔa a sɛbɛla masaa nda vanaa bɛndua va ndu o ba bɛngu-a ndáà handu lan pondalen coo lan, má balu lan dimio o lɛŋnde Israɛl-ten nin a o tàndá Yuda-o nin mɛɛ masaa ndóò dimi yɛ aa: «Niaa Israɛlaa hɛlun haa masaa Asiriia-a, la muungu Mɛlɛka Hala Abraham-ndo, Hala Isaak-o a Hala Israɛl-lo o ibuŋ. O kon, ndu bɛɛ muungunin niaa o ibuŋ.

Esekiɛl 18:28

Te o kumbi pɛ hɔltan mò mulul dɛnnda vɔɔnnda o va tosaa lan kɔɔ, o lonin yoomu lekɛ́ndɛi, o vinin te.

2Dɛnnda lemasalan 30:9

Te la muungu pɛ Mɛlɛka o ibuŋ, vanaa kɔɛ a puapilɛa niaa a á poaa niaa o biyɔɔ nin-nda tuinunnin nda iɲíí, mà mal nda, mà muungu o lɛŋnden nden nin. Kani Mɛlɛka Hala niaa nɔ kɛndɛi, o nɔ vɛlɛ ɲííye. Te la muungu pɛ ndu o ibuŋ, o faŋanin hɔlla niaa coo le.»

Tɔŋ miingua 4:30

Te sangala lan kpow la kei pɛ niaa coo mì la ŋɔɔcian, o kon kɔɔli la muungu o Mɛlɛka Hala niaa lo, la bii diom ndɔɔ.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Osee 12:6

Mɛlɛka co Hala-Nɔ-Kpaayaa-Kpow-vo ni, diola ndɔlan aa Mɛlɛka.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»