Cɛɛŋɔnnda Yeremi lan 3:39 - BII BILA

³⁹ Vanacieo, a hakila ndɔlan, o co yoomu, le yɛɛ nɛ o cɛɛŋun yɛ vɛlɛ?

Cɛɛŋɔnnda Yeremi lan 3:39 Referans Kwoze

Misee 7:9

Fɔ mì biwnun kɔltuw Mɛlɛka-o, kani hakio ya cua a ndu ni. Telen co tiiya, o soaanin le ya, mò ke ya dí nuu. O solinin ya o ɲɛ-tengaa, mò tosal-la dɛnɛ kɛndɔɔ.

Talelan 19:3

Vanacieo tosa pɛ diɔmnde mì dɛnɛ hɛlun ndu, o mululun Mɛlɛka a kɔltuwvo.

Yeremi 30:15

Le yɛɛ nɛ n co yɛ caŋndo a dɛnɛ palaa, le ɲɛ kindilaa cuunin nɔm kuee loo? Kani le tùú tɛɛmbuula nɔmndan la co sɛ́lɛ́, mì hakila nɔmndan la vɔw taw-vo ya tosal nɔm lende ni.

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Esai 51:20

Poaa nɔmnda vi diallon, a co ihini lɛ́ɛ́siɛn o nɛilan kpede dangalaa, maa kial haw o yaŋɔɔlen-ndo, kɔltuw Mɛlɛka-o co nda coo, Hala co nda kɔngɔlanndo a labɛɛla.

SƐBƐ YƆB-O 11:6

mì ndóò cɔm nɔm sɔɔn viannaŋun Kɔlkalon, sɔɔn hiow mún sinapɛngu vanndacieea-on pɛɛn, nɔm pila va sina maa Hala pɔɛɛnun hakila nɔmndan lapum.

Ɛsdras 9:13

Éé Hala naa! Dɛnnda palaalan ndan la komal naa fúú le, kela naa vɔɔndo a tɛɛmbuula naala bɛndulan la cuu naa ndu ni. A kon kpede a saangiaa naa mɛɛ hakila naalan la co yɛ le, má mɛi naa yoomu.

2Masaa 6:32

Nduyɛ Elise va icali o ndu lo cɛinin, nda kaasoŋaa kɔlkalua kobia latulu. Mí masaa viam vanndo o ndu lo. Kɛ lɔ́ɔ́ pá kiila kon hun tiiya, mí Elise dimul kaasoŋaa kɔlkalua kan aa: «La ce! Po vana diyaa n'vanndo ho vem vanndo le hunɔɔ ya bollen kiolɔɔ. Lelan la caa dɛ! Te langbanɔ kalaa hin pɛ, la kinda dioo, la ɲindu ndu a koŋndo latulu. Vɛ̀ɛ̀ o co pelun vana ndɔ bɛndoo le ya co tueyɔɔ hunɔɔ ndu kɔɔli nuaa le?»

2Masaa 3:13

Mí Elise dimul masa Israɛlla aa: «Yɛɛ co yɛ naa tɛɛn naa nɔm? Kɔ o vanaa-tɛɛngaa-diom Hala-a fuɲa nɔm-nda, te kon te o vanaa-tɛɛngaa-diom Hala-a kala nɔm-nda lo, mà kɔ ɲuna nda.» Mí masa Israɛlla mulul ndu aa: «Ɛ-ɛ, Mɛlɛka veelu naa nanu ni, naa masaa yáá-a ha, le naa malɔɔ Moabua o ba.»

Kundalan 17:12

Mí Aarɔn tosa mɛɛ Moise dimul ndu yɛ, mó cua bonyii fuusɛi, mó kɔa a kiltan Israɛlla tɛɛn, nàà halimaa ndóò kandu nin vannda biyɔɔ lekɛ́ndɛi. Mí Aarɔn fuusa ansan le faleŋii baŋannde tosaa le haki ndaa.

Kundalan 11:11

Mó dimul Mɛlɛka aa: «Le yɛɛ nɛ n tosal-lɛ vana nɔm baalaa dɛnɛ vaa nuaa? Vɛ ya kɛndɛi nɔmnde tuŋɔɔ? Vɛ má siiluu ya volɔɔla vannda ha kpow o lebol le nda simndan laci?

Tɔŋ lasálàá 26:43

Tuma nda vanin nɛɛ celen-ndo, lɛŋnde ndalen le vanin lemalnannden, o kon yondolan la sɔlanin pɛngio. Tuma kon, nda pila co va sangaa sɔlaa le tùú nda kɛɛ le tɔŋnda nilan biyɔɔ-o a le tùú silala nilan la nɛinun nda-o.

Tɔŋ lasálàá 26:41

A biinin bila maa ya bɛɛ mí simul nda, mí yaa nda o lɛŋii yaamɔaa nda nin. O kon, a sinanin maa a yɔŋnun vanaa lo lediom coo le. Le hee a tuisinnin, mà cɛl sanga tol nda coo le hakila ndalan-ndo.

Dɛnnda cɔɔmuanndan 16:9

Mí vanndacieea ŋɔa a hangul vɔɔn-vɔɔndo. Má dimi sɔɔn tanan a diola Hala nɔ baa o dɛnnda palaala lan coo-o, a cɛl le mangalanndo mà biilu ndu le.

Condii lisai 107:17

Vanaa pum siŋnun diɔmnda le kela nda vɔɔnndo, má sɔla dɛnɛ palaa le tɛɛmbuula ndalan.

2Masaa 6:33

O va vɔ nda sɔɛi ken dimullo, mí kiilanɔɔ tiiya o ndu lo, mó dimul ndu aa: «Mɛlɛka tuisi dɛnnda palaalan ndan kpow naa coo ni. Vɛ̀ɛ̀ ya nɔla yɛ vɛlɛ mì tiindan ndu Mɛlɛka?»

SƐBƐ YƆB-O 15:13

Bàà Hala n co mululɔnndo a nɛyɔn nɔmndo ni? A ndu n co sɔɔn mùn solinndo o sondo ni?

Yeremi 10:19

«Mbɔ̀ ya i kɔndu dɛnɛ fɔ́! Bolin nuu singu le. I va dimio aa: sanga co le ya-o, i bɛnda mì biwnun ndu.