Cɛɛŋɔnnda Yeremi lan 3:32 - BII BILA

³² O tuisi bɛɛ vana dɛnɛ palaa coo, o tuinun vana iɲíí lekɛ́ndɛi le tùú o co Mɛlɛka lo o lediom coo-o kpeekpeiyo yɛ.

Cɛɛŋɔnnda Yeremi lan 3:32 Referans Kwoze

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

Condii lisai 103:11

Kani mɛɛ halataalaa co coocoo nuaa lándán a lɛŋnden yɛ, lende koni kaola o nɔ le vanaa nɔ siòòŋii ndɔɛi-ya-o co o bɔɔ ni.

Condii lisai 30:5

La solul Mɛlɛka condon, niaa vanaa lo o lediom coo a ndu-a. La lisa ndu mì la cɔm diondɔɔ ndɔɔ.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Masaa kialaa n'yamaa 10:16

Mí Israɛlla faŋan piɔmaa nda va sooloo-a kɔɔli, má muungu vɛlɛ Mɛlɛka biiloo. Le hee, mí Mɛlɛka yiyan nda coo le sangala bɛndula nda va lan-ndan.

Fulaa 3:7

Mí Mɛlɛka dimul ndu aa: «I ce mɔnɛi cuavaa nia co nin Esipte-e, i co nda tueyɔ̀ɔ́ koŋullo a saangiaa mɛlɛsoŋnda co nda-o, i ce dɛnɛ palaa co nda coo-o vakpa.

Luke 15:20

O kon mó can, mó muungu o fuɲa ndɔ lo. O lo nɛɛ levil, mí fuɲa ndɔ ca ndu, mí ɲííye bii ndu taw. Mó ɲaanun, mó kɔ kɔman po ndɔɔ, mó sɔsa ndu sondoo.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

2Masaa 13:23

Kɛ mí Mɛlɛka tosal Israɛlla kɛndɛi, mó tuinun nda iɲíí, mó mulul nda hɔlla le kpema ndóò yiilu Abraham, Isaak a Yakɔb-o. O cɛl le nda tɛɛmbuuo le, nduyɛ háá paalen nden, o kɛɛ nda mò faŋal nda hɔlla le.

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Fulaa 2:23

Mɛɛ ɲɔɔ viow tei, mí masa va kon Esipte-o vu. Israɛlla va o cɛle len nin tuŋ, a va kuŋndan a koŋullo. Mí Hala tuɛi somisomin ndaa.

Nahum 1:12

Nuaa Mɛlɛka dimi ni aa: ‹Hali yaamɔaa niaa va bɛɛ sɛ́lɛ́, mà nɔ yoomuan taw, à co cuvɔɔ kpede, o kɛ́-kɛ̀ lonin te. Yáà tuisi niaa paandu sangaa coo, kɛ i saangiaa lɛnin niaa le.

Esai 27:8

Ɛ-ɛ, o yɔŋnun lende le, kɛ tùúlen n bandìla nda ni, má toaw nda ma fula o lɛŋnde ndalen nin, má kɔandu nda o hoeyii fùkù-fùkùi fula a ba paalen le can-ndo-e nin.

Esai 54:7

Yáà kɛɛ nɔm le telen bingi, kɛ i minginnin nɔm o ba a ɲíí bɛnduei.