I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.
Kani o co lɔ́ɔ́-lɔ́ɔ̀ le ya sɛɛngiaa le, o co le fɛɛn a fɛɛn te ya manda kɔl ni tuwvo le, yɔŋii yiyannda (vannda) la laasian, yɔŋii ɲaa yoomaa ya cɔw-va vunnun kpede.
Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.
Vɛ̀ɛ̀ a co tueyɔɔ ɲɛ vannda ha co dimio-o le? A co dimio aa ya cii yungula tiɔnnda yáà hɛli lan kɛɛ, Israɛlla a Yudaa pɛɛn. Nuaa nda co yungu nuu yio kiolɔnndo ni, a nɔ o kɔl maa a co lɛ lelɛŋ a ba nda le.
O Mɛlɛka dimi-o co hoo ni aa: Te vana nɔla pɛ helɔɔ halataalaa tuu te kon te yingila lelɛŋndo sinaa, mɛɛ i kɛɛnin cuavaa-imamaa Israɛl-la le dɛnnda vɔɔnnda kɛ́-kɛ̀ nda tosa lan! Sɔɛi fula Mɛlɛka o sondo-e co ken ni.»
Nuaa Mɛlɛka dimi ni aa: ‹Hali yaamɔaa niaa va bɛɛ sɛ́lɛ́, mà nɔ yoomuan taw, à co cuvɔɔ kpede, o kɛ́-kɛ̀ lonin te. Yáà tuisi niaa paandu sangaa coo, kɛ i saangiaa lɛnin niaa le.
Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.
Ɛ-ɛ, o yɔŋnun lende le, kɛ tùúlen n bandìla nda ni, má toaw nda ma fula o lɛŋnde ndalen nin, má kɔandu nda o hoeyii fùkù-fùkùi fula a ba paalen le can-ndo-e nin.
