Cɛɛŋɔnnda Yeremi lan 3:30 - BII BILA

³⁰ O bɛnda mò tɛilu vana co ndu lɔɔ-o kpannde, mò pim siɛmbula nda co ndu tuisio lan.

Cɛɛŋɔnnda Yeremi lan 3:30 Referans Kwoze

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

SƐBƐ YƆB-O 16:10

Vannda kumbil-la sondola ndalan váankpándán. A co ya kpaŋndon lɔɔ le ya siɛmbulan tuisio. Nda kpow a yiinan le ya ciŋilanndo.

Matie 26:67

O kon kɔɔli, má tufu ndu lɔluan o hɔl, má kuindikuindi ndu. Mí vannda pum lɔaa ndu kpaŋnde, má dimul ndu aa:

Matie 5:39

Kɛ ya, i co niaa dimul: la simul vanaa kɔlvesɛiya le. Te vanndo lɔɔ pɛ nɔm kpaŋii ba kɛndɛi, mulul ndu vɛlɛ kpaŋnde pilɛi.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

Luke 6:29

Te vanndo lɔɔ nɔm pɛ kpaŋnde, a mulul ndu vɛlɛ ipilɛi. Te vanndo cua pɛ doma nɔm bɛndoo, kuuna ndu o lebɛngoo cuaa le.

Misee 5:1

Éé nɔm Bɛtlɛhɛm Efrata! À co bɛɛ ciee pɔmbɔ o cieon co o tàndá Yuda-o nin-ndon kpow tɛɛn nuaa, kɛ o nɔm nin ya solinin vana bɛnda mo tosa masalen Israɛlla kpow coo-o ni. Vana kon pɛn, ó fula o yungu kɔɔlima ndɔan ma kandun kabi sindɛ-sindɛ-o nin-ndo.

Condii lisai 123:3

Éé Mɛlɛka! Tuinun naa iɲíí, tuinun naa iɲíí fɔ́! Kani n sanga nin bɔɔ a mɔnɛi.

Condii lisai 69:20

Nɔm, a sina mɛɛ vannda co ya yeowlan yɛ, a sina mɛɛ nda co ya siɛmbulan tuisio a ya bɛɛlan tɛɛmbuuo yɛ. Yaamɔaa nia kpow a co nɔm o hɔl.

Condii lisai 69:9

I siŋnun miallo puapilɛa nia tɛɛn, i siŋnun vana celenndo vanaa naa n fula kala pilɔɔ o ipulu-a tɛɛn.

SƐBƐ YƆB-O 30:10

I kusulan nda, má va ya kpakpalaa. Lɔluan tufɔɔ ya o hɔl, a ci ken ɲɛ-ɲɛ le.