Cɛɛŋɔnnda Yeremi lan 3:25 - BII BILA

²⁵ Mɛlɛka naŋ le vana kɛsi ndu kɔllo coo-o, le vana co ndu nuwviaa-o.

Cɛɛŋɔnnda Yeremi lan 3:25 Referans Kwoze

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Condii lisai 37:34

Tiindan Mɛlɛka, ma kela o nɛi ndɔɔ coo. O heelunin nɔm, ma sɔla lɛŋnden kɛ́ɔ. O kon, nɔm pila canin vanaa kɔlvesɛiya ɲumndo bòmbò.

Esai 25:9

Vannda diminin paale len aa: «La tofa vɔ Hala naa!» O ndu coo naa n kɛsi kɔllo ni, ndu baŋa naa ni. Ndu co Mɛlɛka ni, ndu naa n handu laalan naa coo ni. Lelan, n naŋnun kɔl mì n dɔwnun ɲaale le cinda o nɔ-o.

Cɛɛŋɔnnda Yeremi lan 3:26

O naŋ le cinda Mɛlɛka-o cumndo o meiyo nin.

Condii lisai 27:14

Lelan, tiindan Mɛlɛka. Sim yili, ma luei yoomuan, tiindan Mɛlɛka.

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

2Dɛnnda lemasalan 31:21

O dɛnnda o va tosaa le baala Cɛi-Hala-o, le Tɔŋ Hala-o a le silala Hala lan-ndan nin kpow, mó va Hala ndɔɔ nuwviaa a kɔl ndɔɔ kpow. Ɛ̀ɛ̀ nduyɛ, mí la bɛnda ndu o ba.

Nsaki 5:7

Lelan puapilɛa, la biwnun háá a hunɔɔ Maalii-o. La tofa vɔ mɛɛ vana váà cum kɔmnde ɲɛ o vaa-o a biuvɔnndo taw yɛ, o sina maa fɔ mì piɔɔ sialte tasoo a piɔɔ vɔɔle pɔmbɔɔ sia.

Osee 10:12

La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

Esai 64:4

A va kɔlan vanaa va dɛnɛ sandaa tosaa a kɔlkɛndɔɔ-a bɔŋaa, a va vanaa va kelaa o nɛila nɔmndan coo, mà va loonɔnndo a nɔm o kɔɔ-a diomɔɔ. Kɛ tofa vɔ, a tuulu kɔl a naa, kani n cua hakio, n co lo sangaa lende háá telen naa n sɔlanin cindaa-o.

2Dɛnnda lemasalan 15:2

mó kɔa o Asa lo, mó dimul ndu aa: «La yaŋ ya nilan, nɔm Asa, Yudaa a vanaa fula o polale Bɛnyamɛn-nden nin-nda! Te la co vɔ pɛ Mɛlɛka o ibuŋ, mɛɛ ndu bɛɛ vanin a niaa. Te la nuwviaa pɛ ndu, o cɔmnunnin niaa, kɛ te la mulul pɛ ndu kɔɔ, ndu bɛɛ mululnin niaa kɔɔ.

Esai 55:6

La nuwviaa Mɛlɛka telen vana saalun ndu-o, la veelu ndu o piɛilen nin telen o co vɔ kpɛɛlun-ndo.

Condii lisai 61:5

I yeema mì va lɔ́ɔ́-lɔ́ɔ̀ icali o cɛi-kola-toandaa nɔmndo bɛngu, mì va vionnɔnndo o kumbannda nɔmndan bɛngu.

Condii lisai 39:7

Vanacieo co kelanndo maa levundu. O co kpekulan taw tosaa, kɛ hoeiye fúú o co ni. O co bolofaa cuungiaa, kɛ o sinà vana nɔnin ndu le.

Condii lisai 27:8

I nɔ kɔllo o sɔɔn n dimi-on coo aa: «La nuwviaa hɔlaa nia.» Hɔlaa nɔmda ya co nuwviaa ho nuaa ni, Mɛlɛka!

Condii lisai 25:8

Mɛlɛka naŋ, o sandu bɔɔ! Ndu cɔ̀m vanaa lahakia mɛɛ nda bɛnda mà kela yɛ ni.

1Dɛnnda lemasalan 28:9

Nɔm Salomɔn po ni yɛ, sina Hala fuɲa nɔmndo. Tosal ndu baalaa a kɔl nɔmndo a á yoomu nɔmndo kpow, kani ɲɛ co vanacieo o kɔllo nin di-o Mɛlɛka tofa ni. O sina yiyannda vannda kpow. Taa nuwviaa ndu pɛ, o cɔmnunnin nɔm, kɛ taa mulul ndu pɛ kɔɔ, o malnin nɔm le lɔ́ɔ́-lɔ́ɔ̀.

Condii lisai 119:2

Duaa co le vanaa co silala Mɛlɛka lan biyɔɔ mà va ndu nuwviaa a kɔlta ndalan kpow-va.

O Kandɔɔ 49:18

Éé Mɛlɛka! Nɔm ya tiindan ni. Baŋa ya yandi.

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Condii lisai 22:26

Nɔm co tosaa ni mì va diola nɔmndan lisaa vannda taw tɛɛn, i peelunin ciɛ́ɔn ya cua-on vanaa nɔ siòòŋii nɔmnde-a kpow o hɔl.

Sofoni 3:8

Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Esai 26:9

Yeemɛi co yoomu nuu biyɔɔ taw o ɲumndan nin le nɔm, kɔl ni co ya nin-ndo co nɔm nuwviaa idii a yeemɛi taw. Kani te yaman nɔmndon kiolu pɛ o lɛŋnden coo, vanaa co o ceendo coo-a sina dɛnɛ sandaa.

Condii lisai 105:3

La kɛsi kɔltan, kani diola ndɔlan la dendu, niaa vanaa co Mɛlɛka nuwviaa-a, la dɔwnun ɲaale.

Condii lisai 61:1

Condii David-e, í fula o condun simlacinɔ vanaa n'condua nin-nde. A ɲɛ-caa iyoo o soli condei he ni:

Condii lisai 69:32

Sangala kon hiow Mɛlɛka hɛnanndo a ndu sálàla n'nawlan solullo, kon hiow ndu hɛnan a ndu naw tova nɔ leelan a buukulan-ndo sálàá solullo.

2Dɛnnda lemasalan 30:19

mal vanaa co kindinndo a kɔlta ndalan le Hala, o co Mɛlɛka-o nuwviaa-a haki, Hala fuɲaa ndaa mamaa pɛɛn! Hali a co bɛɛ a diandaa nuaa le, kɛ màá o mal nda haki!»

2Dɛnnda lemasalan 19:3

Nduyɛ, nɔm óò tosa dɛnɛ kɛndɔɔ, kani má loam sooluulan o lɛŋnde nɔmnden nin, má kela vɛlɛ o nɛila Hala lan coo a kɔl nɔmndo kpow.»

Ɛsdras 8:22

Kani o va nin ya o lasiɛmbu le masaa ɲunaa vɛlɛ mì ndóò ke naa vanaa cɔwva a vanaa ɲaanun o soa coo-a le naa mandaa nɛi-tɛɛn le yaamɔaa naa. Bau naa n cii nin masaa dimul maa ba Hala naa co vanaa tiindan ndu-a kpow coo. Kɛ o tuisinin kɔl ndɔ tuw bɛndoo vanaa kɛɛ ndu-a coo.

Condii lisai 71:14

Ya ya, i vanin nɔm tiindanndo tuŋ, i vanin hiovɔɔ laci a nɔm sangalaa.