Cɛɛŋɔnnda Yeremi lan 3:24 - BII BILA

²⁴ Kɔl nuu dimi aa: Mɛlɛka co kɛ́ nuu ni, lelan ya co ndu cumndo ni.

Cɛɛŋɔnnda Yeremi lan 3:24 Referans Kwoze

Condii lisai 73:26

Dialun nun a kɔl nuu co yɔkpaa, kɛ nɔm Hala vanin pow kpova nuu a kɛ́ nuu le fɛɛn a fɛɛn ni.

Condii lisai 16:5

Nɔm Mɛlɛka co kɛ́ nuu ni, nɔm co tɔnɔ nuu ni, yoomu nuu co nɔm o ba.

Cɛɛŋɔnnda Yeremi lan 3:21

Ɲɛ ya co mandanndo o kɔl kínɛí-yo co ho ni: I nɔ tiindanndo maa.

Condii lisai 142:5

Tofa vɔ ya o ba kɛndɔɔ coo, mà ce. Vana-vana co ya mulul te, i nɔ nɛɛ viannan te, vana-vana co buulan le yoomu nuu le.

Condii lisai 33:18

Kɛ Mɛlɛka nɔ hɔlten vanaa nɔ siòòŋii ndɔɛi-ya coo, vanaa co kɛndɛi ndɔɛi tiindanndo-a pɛɛn.

Yeremi 51:19

Kɛ vana bɛndu Yakɔb-o co maa piɔmaa kan te. Ndu cɔw ɲɔɔn kpow-vo ni. Ndu nɔ polama Israɛlla ni. Diola ndɔlan aa Mɛlɛka-Nɔ-Kpaayaa-Kpow-vo.›»

Condii lisai 31:24

Niaa vanaa lo o lediom coo-a kpow, la kaola Mɛlɛka! Kani Mɛlɛa co vanaa laalan ndu-a mandaa, mò va vanaa yongaa sanga bɛndoo tuisio coo.

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Rɔmnda 15:12

Mí Esai bɛɛ dimi aa: «Cua imama Yisai-yo hunnin, o cannin le masalen tosaa vanaa-mangalaa-isɔɔa coo-o. Vanaa-mangalaa-isɔɔa kɛsinin ndu kɔllo coo.»

Condii lisai 130:7

Niaa Israɛlla, la tiindan Mɛlɛka, kani ndu nɔ kaolaa o ba ni, ndu o ba vana sɔla baŋan kpeekpeiyo ni.

Condii lisai 84:12

Kani paalen a kɔ̀ɔ̀ cɔwvo Hala co ni, o co naa kɛndɛi tosal-lo mo va naa bɛɛlen keo. O kɛɛ le vanaa co kelaa o nɛila ndɔlan coo-a dɛnɛ kɛndɔɔ tosal-lo le.

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Condii lisai 43:5

Kɔl nuu, le yɛɛ nɛ n co yɛ fulaa? Le kɔlɔ yɛɛ n co yɛ ŋɔɔcianndo ya nin? Tiindan Hala, kani i sangalanin ndu vɛlɛ le cinda nuu.

SƐBƐ YƆB-O 13:15

Hala yeema pɛ o dii ya, i nɔ lɛ dɔ́ɔ́ tiindan te. Kɛ fɔ mì kɔɔsa le kela nuu.

1Dɛnnda lemasalan 5:20

Telen nda va cɔw kon tosaa-o, má piɛi Hala. Le tiindan nda tiindan kon Hala, má ɲuna ndu-o, mí Hala mala nda. Má nɔla Hakeriaa kan a vanaa ndáà sɔɔnguu le nda mala-a kpow.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

Condii lisai 119:57

Mí dimi aa: nɔm Mɛlɛka co o nuu ni, i cii tuu le sɔɛi nɔmnde biyɔɔ.

Condii lisai 42:11

Paalan la yomiyomi ya o n'dial, kani niinoo kpɛŋ yaamɔaa nia co ya yeowlan aa: «Kuɛɛ Hala nɔmndo co yɛ?»

Condii lisai 42:5

I va pɛ kɔllo keelaa, sɔɔn ya yiyanndon co mun ni: n va kɔlan naa vannda taw, í va nda simndan laci le kɔlan o Cɛi-Hala-o nin. N va yondaa a ɲaaloo mí va balikaa malɔɔ naa sɛ́lɛ́ bɛndu va kon kafoo tosaa-o.

Tɔŋ miingua 18:2

Nda sɔlanin kɛ́ layondo puapilɛa ndaa Israɛlla tɛɛn te. Mɛlɛka co kɛ́ ndaa ni maa mɛɛ ndu pila dimul nda yɛ.

SƐBƐ YƆB-O 22:25

mí Vana-Kpaayaa-Kpow siŋnun sianii nɔmnde, mò siŋnun volii nɔmnde.

Condii lisai 71:14

Ya ya, i vanin nɔm tiindanndo tuŋ, i vanin hiovɔɔ laci a nɔm sangalaa.

Condii lisai 94:19

Telen buulanndan la kui ya o kɔl-lo, má ɲɔɔlu ya, má mingi ya ɲaaloo o kɔl.

Misee 7:7

«Kɛ ya, o Mɛlɛka lo kínɛí ya nɔ hɔlla ni, Hala nɔ cinda nuu o ba-o ya tiindan ni, ndu Hala nuu tuɛinin ya diom mò mulul-la.