Cɛɛŋɔnnda Yeremi lan 3:22 - BII BILA

²² Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Cɛɛŋɔnnda Yeremi lan 3:22 Referans Kwoze

Condii lisai 86:15

Kɛɛ nɔm Maalii, Hala iɲííyo a Hala ikɛndɔɔ n co ni, a yala kɔl fula le, a nɔ kaolaa taw, vana lo o lediom coo-o n co ni.

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

Nehemi 9:31

Kɛ hali a kon, a kaola nɔm nɔ lamɛɛlu loo, a cii nda le, a kɛɛ nda le, kani Hala iɲííyo a Hala nɔ kɛndɛi-yo n co ni.

Malasi 3:6

«Ya Mɛlɛka, i yɛlɛman te. Niaa niaa, cuavaa Yakɔb-a tuŋ niaa co ni.

Condii lisai 78:38

Kɛ ndu Hala, le tùú o nɔ ɲííye taw-vo, mó va nda hakilan malɔɔ, mó kɛɛ le nda ciiyo diwvo. Lɔ́ɔ́ lepum, o ɲulul kɔl, o ve kɔl ndɔ tuwvo tindi le.

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

Condii lisai 77:8

‹Vɛ̀ɛ̀ le fɛɛn a fɛɛn Maalii kɛɛ naa nuaa ni? Vɛ̀ɛ̀ o ci lɛnin naa ɲia le?

Condii lisai 103:10

O co naa biyɔɔ mɛɛ hakila naalan la co yɛ le, o co naa sangaa tuisi coo mɛɛ tɛɛmbuula naalan la co yɛ le.

Yeremi 3:12

Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.

Yeremi 30:11

Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

2Samiɛl 24:14

Mí David muli aa: «O sanga kɔl bɛndu-bɛndoo nin ya co nuaa ni. Kɛ o co fisa mì n del Mɛlɛka o ba, yɔŋii naa n del vanacieo o ba. Kani Mɛlɛka ndu caa vanà ɲííye tuinɔnndo taw.»

Condii lisai 69:17

Mulul-la, Mɛlɛka! Kani toɲa vanakɛndɛyɛi nɔmnde naŋ ni. Mɛɛ kaola nɔmndo co o bɔɔ yɛ, mulul-la hɔlla.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

Daniɛl 9:9

Nɔm Maalii Hala naa ɲííye a haki malaa co o ba ni. Kani n simul nɔm a nila kalulan.