Cɛɛŋɔnnda Yeremi lan 3:2 - BII BILA

² O sim ya laci, mó kɔa a ya o ɲumndan nin, o ve o ɲɛ-tengaa nin te.

Cɛɛŋɔnnda Yeremi lan 3:2 Referans Kwoze

Esai 59:9

Lelan yamɛi sandɛi kɔɛ naa levil ni, sakpoyɛi co naa komal te. N va tiindanndo le ɲɛ-tengaa sɔlaa, kɛ ɲɛ yifidiio kposon (naa n sɔla ni). N va pangeloo kɔnganndo, kɛ n co kelaa o ɲumndan nin.

SƐBƐ YƆB-O 30:26

I va dɛnɛ kɛndɔɔ cumndo, kɛ mí dɛnɛ palaa komal-la, i va ɲɛ-tengaa cumndo, kɛ mí ɲumndan ma tul-la.

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Cɛɛŋɔnnda Yeremi lan 2:1

«Éé vannda! La ce dɛnɛ nɛ? Maalii cii kobio Yerusalɛm kumbɔɔ a yumbuyumbu kɔl ndɔ tuwvo. O lo o halataala, mó viaw biilu Israɛlla o lɛŋnden coo. Tuma o tambu kɔllo a Israɛlla-o, mó pɔɛɛn maa ɲɛ ndɔ kɛsiaa n'peloo nda co ni.

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Yeremi 4:23

Mí tofa lɛŋnden, mí ca len tulumasaa, le va fondo fúú. Mí tofa o halataala, ɲɛm ndɔn tengan ve lɛ le.

SƐBƐ YƆB-O 18:18

A faŋanin ndu o ɲɛ-tengaa, mà ɲindu ndu o ɲumndan nin. À toawnin ndu mà faŋa ndu o ceendo coo.

Tɔŋ miingua 28:29

La vanin kɔlan a nɛiyo nuwviaa a paale kalalen mɛ̀ɛ́-mɛ̀ɛ́ vanaa sumɛiya kɔa a nɛiyo nuwviaa o ɲumndan nin nuaa yɛ. Ɲɛ-ɲɛ niaa vanin tosaa, o biinunnin bila niaa o ba le. Lepalaa-lepala, à vanin niaa delɔɔ coo a niaa ɲɔɔn poondiaa o laba, vana-vana venin le niaa baŋaa le.