Cɛɛŋɔnnda Yeremi lan 3:17 - BII BILA

¹⁷ O faŋa kɔlɲuloo ya ikɛi few-few, mí pɔɛɛnun ɲɛ co dɛnɛ kɛndɔɔ-o.

Cɛɛŋɔnnda Yeremi lan 3:17 Referans Kwoze

Esai 59:11

Naa kpede n co kuŋndan maa n'sofɛlɛ, caŋndo naa tuŋ-tuŋ maa n'poonpoon. N va yamɛi sandɛi kɔl, kɛ ɲɛ-ɲɛ bɛɛ! N va cindaa cumndo, kɛ o co naa bɔɔ levil polon.

Sakari 8:10

Kani tuma pá mí telen kon tiiya, vanacieo ndóò nɔ sala le baala ndɔɔ le, cɔloo bɛɛ ndóò nɔ vɔ́ngɔ̀ le baala ndɔɔ le. Le siòòŋii yaamɔɔa, kɔlɲulu ve le vanaa va luɛyɔɔ a fulaa-a le. Bau mí yáà mal vanndacieea, má ndáà va nda pila cɔlɔbanndo.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

Yeremi 16:5

O Mɛlɛka dimul-la vɛlɛ-o co hoo ni aa: «Luɛi o cɛi biisio nin te, kɔa o biisi le, toolu vana-vana le biisi le, kani i cii canyɛi, kɛndɛi a kaola va naa tɛɛn naa vannda ha-o tɛɛmbuu.

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Yeremi 8:15

Kɔlɲuloo naa n va kɔl ni, kɛ dɛnɛ kɛndɛ kɛ́-kɛ̀ co naa komal te. Siongɔɔ naa n yeema ni, kɛ dɛnɛ palaa sii co hiyanndo ni!

Esai 54:10

Hali o va bɛɛ mì pembun bɛndon hiilun, hali pembun pɔmbɔn biiŋun bɛɛ, kaola ya nɔ le nɔmndo bɔndɔlanin te, kpema kɔlɲulu ya yii a nɔmndo bɛɛ kpeŋannin te.» Mɛlɛka nɔ ɲííye a nɔmndo dimi lende ni.

Esai 38:17

Tofa vɔ, hali sanga ni bɛndoo siŋnun kɔlɲuloo, kani nɔm Mɛlɛka, má kanda yoomu nuu yɔŋii ndóò del o soon piɔ́mndo nin, má viawnun hakila nilan nɔm a makɔɔ polon.

Condii lisai 119:155

Cindaa co bɔɔ vanaa yɔŋ vɔɔnda levil, kani a co hɛnan nɔmndo tosa le.

SƐBƐ YƆB-O 7:7

Éé Hala! Loonun maa hoeiye sii yoomu nuu co ni. Loonun vɛlɛ maa hɔlte nilen le ci lɛnin dɛnɛ kɛndɔɔ le.

O Kandɔɔ 41:30

Kɛ vɔsila lan la cuu pɛ, vɔsila ŋɔmmɛwla co hunɔɔ o lan kɔɔli lan, yima fofolan ma vanin taw. Fofola kon tosanin mì vannda pɔɛɛnun sɔɛi ɲɛdiaa bɛndu-bɛndu kei nda o ba-o. Kani fofola kon co hunɔɔ ɲɛ-ɲɛ cii o lɛŋnde Esipte len kpow nin.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.