Cɛɛŋɔnnda Yeremi lan 3:11 - BII BILA

¹¹ O tosa mí pɔw nɛi nuu, mó sɛɛsiaa ya, mó dɔaw ya yɛɛvɛ.

Cɛɛŋɔnnda Yeremi lan 3:11 Referans Kwoze

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Cɛɛŋɔnnda Yeremi lan 1:13

Mɛlɛka lo coo, mó soli yinnden, mó cuu yinnde len o paala nilan nin. Mó toandu yalaa ya o labɛngunin, mó mingi ya a makɔɔ, mó kɛsi ya o mɔnɛi nin, o nàà imɔnɔ kon nin ya co le lɔ́ɔ́-lɔ́ɔ̀ ni.

Dɛnnda cɔɔmuanndan 18:19

Má va loolio dɔwnɔnndo o lebol, má va caŋndo a mɔnɛi biyɔɔ a deŋio aa: «Kpòkóó! Dɛnɛ palaa co hoo ni dɛ! Kobi bɛndu ke hoo vanaa ladɛ̀ndɛ̀a va baalaa o mɛmma ihɛllan coo-a kpow tɔnɔɔ a bolofaa ndɔɔ-o cuu itambu o telen bingi-bingio bɛngu!»

Matie 23:38

Lelan, cɛi niaa lonin fondo fúú.

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

Daniɛl 7:23

Mí Vana kon dimul-la vɛlɛ aa: ‹Visi hiɔɔlundɔɔ, ndu co tɔɔmasele masale hiɔɔlundɔle vanin o lɛŋnden coo len ni, le vanin teengen a masɛi súúlan kpow. Masale len le dianin lɛŋnden kpede, mì le nɛw len a labɛngu, mì le cui len.

Yeremi 32:43

La co dimio aa: «Babilɔnnda o ba bɛngu lɛŋnden nden le va ni, le siŋnun nihau lɛŋnde vesɛilen, vanndacieea co lenin te, visia bɛɛ a co le.» Nduyɛ, vannda muungunin mà pendu lɛŋnde o lɛŋnden nden nin.

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Yeremi 6:8

Yerusalɛm, bii silaa yɔŋii ya faŋan nɔm kɔɔli, mì dɔw lɛŋnde nɔmnden yɛɛvɛ, vana ve lɛnin ndon te.»

Yeremi 5:6

Lelan yàlá fula o bundɔɔ nin-ndo co nda diwvo ni, mì tun yondo fula o lɛŋnde veselɛilen nin-ndo va nda sɛɛsiaa. Tambillo co mɛngɛlaa o kobila ndalan sondoo, vana-vana fula dɔ́ɔ́ pɛ, o sɛɛsiaa ndu, kani nila kalula ndalan la co nin bɔɔ sɛ́lɛ́, dɛnɛ sandaa lepɛŋ ndaa vangalan nin bɔɔ.»

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Condii lisai 50:22

Lelan, niaa vanaa co ya Hala pɔɛɛnɔnndo-a, la bii sɔɛi he bila, yɔŋii ya tɛɛmbuu niaa, vana-vana baŋanin niaa le.

SƐBƐ YƆB-O 16:7

Nihau, Hala cii ya yoomuan o n'dial, o tuisi dɛnɛ palaa vanaa balu ya-a kpow tɛɛn.

Condii lisai 143:4

Diallon vi ya, i tiw lɛ ba mì tosa ɲɛ-ɲɛ le.

Yeremi 15:3

O nɛila hiɔɔlula lan coo ya co nda simul ni, ya Mɛlɛka dimi lende ni, a vunin o mɔɛi cɔwve bɛngu, mì tunnda sasu nda, mà yɛɛ nda lándán. O mɛɛlulan, mì duàá a tivolla de nda kpede.

Cɛɛŋɔnnda Yeremi lan 3:10

O yɔŋnun le ya maa kɔ́lɔ́vúlu cal mɛngɛla-o, maa yàlá co o kungulanndo o bungɛi nin-ndo.