Cɛɛŋɔnnda Yeremi lan 2:8 - BII BILA

⁸ Mí Mɛlɛka ndóò kialu le kpakilan Siɔn koombiaa. Mó toandu yoolen nda laci, o faŋa baa le, háá mó cii nda fɔlɔn diw tɛ́ɛ́. Mó dɔaw kpakilan a ciin cɛiyon yɛɛvɛ, mí la tambu o lepilɔɔ kpow.

Cɛɛŋɔnnda Yeremi lan 2:8 Referans Kwoze

2Masaa 21:13

I co hunɔɔ kobio Yerusalɛm tɛɛmbuu mɛɛ ya tɛɛmbuu kobio Samari a yungu Akab-o yɛ. I solinin vannda o kobio Yerusalɛm nin, mò lo fondo fúú, maa mɛɛ vana tuei sɛtio ma kuumbuu ndu yɛ.

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Esai 34:11

Hua a saiya kilanin caltan ndon, kpobia a basabasakoendea calnin lenin. Mɛlɛka timbinin yoole tuvaale imɔnɔlen ndon, o siɛndinin yoole tuvaale tɛɛmbualen ndon.

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Esekiɛl 20:22

Kɛ mí mingi ba nuu, kani mí yiyan le diola nilan, yɔŋii la tambu vanaa-mangalaa-isɔɔa ya va cɔu mí soli Israɛlla o lɛŋnde Esipte len nin-nda o hɔl.

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Cɛɛŋɔnnda Yeremi lan 2:5

Mí Maalii siŋnun maa yaamɔɔ naa. Mó tɛɛmbuu Israɛlla a cɛila lemasala ndalan kpow, mó tɛɛmbuu kpakila ndalan. Mó kui ŋɔɔcanndan a cɛɛŋɔnndan o Yuda lo cɛinin.

Cɛɛŋɔnnda Yeremi lan 2:2

Mí Mɛlɛka tɛɛmbuu calta Yakɔb lan kpow a kɔltuwvo, o tosa iɲíí le. Mó puusiaa kobila Yudala va o kpakilan nin-ndan. Mó viaw nda lɛŋ, mó soli masalen a simlacia o báà nin.

Esai 28:17

I siinguunin sakpoyɛi yoole tuvaalen, mì siinguu dɛnɛ sandaa pɛngɛi nda tuu sandii ɲɔɔn-nde. Kɛ loeon delian kɔandunin vanafondoyɛi niaa venun nin-nde, mì mɛnndan ma tiw o yasabaa lacòòvaa niaa cal nin-ndo nin.

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

SƐBƐ YƆB-O 13:21

Faŋa ya fɔlɔn ba nɔm co ya dɛnɛ palaa tuisio coo-o coo, mà pɛngi ya siòònde lueiyo.

2Samiɛl 8:2

Mó nɔla vɛlɛ Moabua, mó yɛɛmbuu nda lɛŋ, mó tuu nda a yoolen le nda diwvo. Mó tuu yoolen lediin le kan diwvo, mó tuu vɛlɛ yoolen lepilɛ le kan mɛiyo yoomu. O kon, mí Moabua siŋnun cɛa le David, má va muloo malɔɔ ndu o ba.

Cɛɛŋɔnnda Yeremi lan 2:18

Vanaa co icali Siɔn-nda soli diomndan o lepilɔɔ o Mɛlɛka lo. Kpakio Siɔn, paalen a ɲumndan, va mɛmɛma nɔmndan tuisio maa pee pɔmbɔ. Cɛl mà pɛngi le, yɔngu hɔlta nɔmndan pɛngio le few.

Esai 22:5

Kani paale dɛnɛ tambɛilen, paale bɛpɛlaalen a paale lasiɛmbu len le co hau ni. Maalii, Mɛlɛka-Nɔ-Kpaayaa-Kpow-vo tuisi paalen-nden o ból vana ca siɔdii lacio nin-ndo coo ni. Vannda co kpakilan koombiaa, yoondiaalan la co sɔɛi a kpengii n'pembue.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.