Biblia Todo Logo
Bib sou entènèt

- Piblisite -




Cɛɛŋɔnnda Yeremi lan 2:6 - BII BILA

6 Mó pial kunga nakɔ ndɔɔ, mó tɛɛmbuu fonda náà n cuungian ndu o hɔl-lo. Mí Mɛlɛka tosa mí vannda Siɔn pɔɛɛnun kafolan a cuungiannda palɛi pɛngiaalan. Mó tɛɛmbuu masaa a vanaa-solia-lasálàá bɛ̀ɛ̀lan a kɔltuw bɛndoo.

Gade chapit la Kopi




Cɛɛŋɔnnda Yeremi lan 2:6
25 Referans Kwoze  

maa mɛɛ vana naŋ kɔl o paale kafolen coo yɛ.› I faŋa hau dɛnɛ palaa va niaa coo-o a siɛmbula va niaa coo lan.


Dɛnɛ palaa tol nɛila kɔɛ Siɔn-ndan coo. Kani vana co lɛ hunɔɔ lon o kafolan te. Koŋnda Siɔn-ndan kpow la Siɔŋ. Vanaa-solia-lasálàà ndɔa co cɛɛŋɔnndo. Cuaambɔa lemboa ndɔa co a kɔl tambɛi bɛndoo. Mɔnɛi ndɔɛi co ibɔɔ dɛ!


Mɛlɛka pila cii nda saŋɔɔ, o nɔ lɛ nda lehɔl coo le. Vannda ke vanaa-solia-lasálàá lebɛɛ le, a tosa iɲíí a bɛndua yuuvɛiya le.


Lelan ya co tosa ni mì siɛmbulan la bii niaa Israɛlla kpow o hɔl, mà kelun niaa yii. Kani la tui sɔɛi nii le, la va vɛlɛ vannda hiyanndo o tɔŋndo biyɔɔ nin.»


Kabi o pɛɛsa mɛnan o mɛnan-ndo, mó tɛɛmbuu kpemaa, nduyɛ ndóò ciinin laba sɔɔ mó cɛl. Lelan mɛɛ o tosa kon kpede yɛ, o helunnin te few.


A biw vanaa kùndàá má landu nda, tosa lebɛɛ a kaasoŋaa yuuvɛiya le.


Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.


Éé Mɛlɛka! Vɛ̀ɛ̀ a dɛnnda palaalan ndan kpow a vowlulnin naa sondo le? Vɛ̀ɛ̀ a co naa saalan te? Bàà ma tuisi naa siɛmbulan háá mì n cuu labɛɛ?


Le telen bingi daama lɛŋnden le va o ba naa vanaa nɔmaa diandaa bɛngu ni, mí yaamɔaa naa nɛw cɛi-kola-toandaa diandaa nɔmndo a labɛngu.


Lelan ya cii simlacia co o Cɛi-Diandaa nin-nda labɛɛ ni, mí tɛɛmbuu polale Yakɔb len, mí tosa mí vannda yeow Israɛlla yeowlan pila.


I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!


Mbɔ̀ la n'kafɛi! La pɛngi hunɔɔ a sálàla fondolan! I yeemiaa bɔɔ lasikɔlɔ niaa. Kafola paangun sɛnɛilan, cuungiannda paale pɛngiaalan a cuungiannda niaalan kpow la nɛinun nin ya bɔɔ. Kani la co lan tosaa a kɔlvesɛiyo.


Vannda Siɔn a ló yoomu mɛɛ pangaa lò isisi o nakɔ n'rɛsɛnndo nin nuaa yɛ. A lo yoomu mɛɛ kùùo lò o ciɛi n'heenguue nin yɛ, mɛɛ kobi nda co cumullo-o lò nuaa yɛ.


A tɛɛmbuu kpema n yiilu vana baala nɔmndo-o, má mal mɔsil ndɔ lemasaa o cundoo nin.


Mí lɛɛndun ndɔn kɔa háá o mɛmma ihɛllan coo, mí tɛyun ndɔn tiiya háá Efrate o peelo.


Hala sinan o tàndá Yuda-o nin, diola ndɔlan la co la bɔɔ o lɛŋnde Israɛl-ten nin.


Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»


La yaŋ nilan, niaa vanaa co ɲaanɔnndo le fulaa o lɛŋnde Babilɔn-nden nin-nda, a co vɔ yoomu-a, a co hunɔɔ dimio Siɔn aa: ‹Mɛlɛka Hala naa mingi màá nɔmndo, o mingi màá Cɛi-Hala diandaa ndɔɔ.›


I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.


A mal Cɛi nɔm diandaa yin, à komba calta nɔmndan lɛŋ, má nɔɔliaa nɛɛ diola nɔmndan la co kan piɔlnɔnndo-a.


I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.


Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»


Lelan diom Mɛlɛka dimul-la le nɔm-ndo co hoo ni aa: ‹I co ɲɛ ya tangul-lo komba, mì sungu ɲɛ yáà tɔl o lɛŋnden kpow nin-ndo.


Swiv nou:

Piblisite


Piblisite