Cɛɛŋɔnnda Yeremi lan 2:4 - BII BILA

⁴ Mó kindu kpaasiaa nda kɔɔli maa n'yaamɔɔ, mó yaa ba kɛndɔɔ le kɔɛi malɔɔ nda kɔɔli maa n'yaamɔɔ. Mó tɛɛmbuu ɲɛm kɛndɛn mun naŋ o tofaa-on kpow. Mó cuiŋi kɔltuw ndɔɔ o Cɛi-Hala-oSiɔn coo maa leyin.

Cɛɛŋɔnnda Yeremi lan 2:4 Referans Kwoze

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Esekiɛl 24:25

Nɔm vanacieo yɛ, yaŋ-ndɔ nilan: paale vanin mì hɛlu Cɛ̀i biilaa yɔngu kon nda yoomuan-ndo nda o ba, Cɛ̀i kɔlkɛndɛ nda kon, Cɛ̀i nda dovian kon, o hɔlta ndalan la co kon mɛɛndanndo a ɲaaloo-o, ɲɛ yoomula ndalan la yeema kon taw-vo, mì hɛlu vɛlɛ poaa ndaa a cuavaa ndaa laandua.

Yeremi 21:5

O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

Esai 42:25

Lean Mɛlɛka tuisi kɔl ndɔ tuw bɛndoo Israɛlla coo ni, mó tuisi nda cɔw kàlà-kálàá coo, mí cɔw kon ŋɔaw nda ba-ba fee, kɛ a bii ɲɛ-ɲɛ bila le. Mí kɔltuw ndɔɔ loam nda, kɛ a dow ɲɛ-ɲɛ taasi mà bii ndu o kɔl te.

Yeremi 30:14

Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.

SƐBƐ YƆB-O 6:4

Kani kɔɔn Vana-Kpaayaa-Kpow n co n'baŋnanndon ya o n'dial, kɔl nuu co lólò kɔɔn mun sɔɔsiaa. Ɲɛm vueinan Hala-on hinul-la.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Nahum 1:2

«Mɛlɛka paŋalaa Hala co ni, ndu mingi máá ni. Mɛlɛka mingi máá, o pɛ a hiilɛi. Mɛlɛka mìngùl yaamɔaa ndɔa màá, mò mandan kɔltuw o nɔ a nda-o o kɔl.

Esekiɛl 36:18

O kon, mí tuisi kɔl ni tuwvo nda coo le vanndacieea ndáà diw o lɛŋnde len nin-nda a le piɔmaa nda va sooloo má nɔɔliaa lɛŋnde len a nda-a.

Esekiɛl 22:22

Mɛɛ volin latámán tenga o kpɛɛnɛi nin nuaa yɛ, lende niaa tenganin o kobio Yerusalɛm nin ni. O kon, la sinanin maa ya Mɛlɛka, i saŋ kɔl ni tuwvo niaa coo.»

Esekiɛl 6:12

Vanaa vanin levil-la nda vunin a nàà halimaa, mì vanaa vanin macɛlu-a nda vi a yima fofolan. Kɔl ni tuwvo kpow hulunnin nda coo.

Esekiɛl 5:13

Kɔltuw nuu tiiyanin háá o mɛɛlulan. I hulunin kɔl ni fulaa nda coo, mì mingi màá nuu nda coo. O kon telen ya cuiŋinin kɔl ni tuwvo kpede nda coo-o, a sinanin maa ya Mɛlɛka, o paŋala nuu nin ya soo ni.

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

Cɛɛŋɔnnda Yeremi lan 3:3

Lepalaa-lepala o va ya baa holɔɔ. Ya pilɛ kpé o va lɔɔ ni.

Cɛɛŋɔnnda Yeremi lan 2:5

Mí Maalii siŋnun maa yaamɔɔ naa. Mó tɛɛmbuu Israɛlla a cɛila lemasala ndalan kpow, mó tɛɛmbuu kpakila ndalan. Mó kui ŋɔɔcanndan a cɛɛŋɔnndan o Yuda lo cɛinin.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Esai 63:10

Kɛ má yɔŋnun vanaa nila kalua, má del kasi a kɔl diandaa ndɔɔ, mí ndu bɛɛ siŋnun yaamɔɔ ndaa, mí ndu pila cɔlɔba nda.

Esai 63:6

O kon, mí nɛw vanaa súúla celennda a labɛngu o kɔl ni tuwvo nin, mí mingi nda yingo-yingo o kɔl ni fulaa nin, mí taaliaa kooma ndan lɛŋ.»

2Dɛnnda lemasalan 34:25

Kani a mulul ndu kɔɔ ma va sálàla cuɛima cun kɛndɛlan lomɔɔ le halaa celennda. A tɛɛmbuu ya kɔllo a dɛnnda nda co tosaa lan kpow. Lelan kɔl ni tuwvo toalnin o fondaa ho coo ni. Nduyɛ, o ɲum ndɛnin le lɔ́ɔ́-lɔ́ɔ̀ le.›

2Dɛnnda lemasalan 34:21

«La kɔ mì la ɲuna Mɛlɛka isɔɔ o sɔɔn sɛbɛ tɔŋ nda ce hoo-o coo le ya, le vanaa tɔ̀a lo icali Israɛl a Yuda-a. Kani kɔltuw Mɛlɛka co hunɔɔ naa tolɔɔ coo-o vanin o bɔɔ! Bau fuɲaa naa mamaa bii sɔɛi ndɔɛi le, a kela mɛɛ sɔɔn sɛvan o sɛbɔɔ ho nin-ndon kpow n dimi yɛ le.»

Condii lisai 37:14

Vanaa kɔlvesɛiya co mɔɔn ndan cɔwvon nanɔɔ, a co kpaasiaala ndalan kindɔɔ le vana bala fondoo a vana ikɔɔ yɔlɔɔ lɛŋ, a le vanaa co kelaa o nɛila sandaalan coo-a diwvo.

Yeremi 10:20

Cɛi-kola-toandaa nuu puusian, yoei ndɔɛi kpow i suingin. Cuavaa nia kpow a faŋan ya, a co lɛ le, vana co lɛ le ya cɛi-kola-toandaa nuu mingul-lo isisi le, le ya nɛɛ calaa tengullo le.»

Esekiɛl 20:34

I solinin niaa vanaa súúla celennda tɛɛn, mì faŋa niaa o lɛŋii niaa co a sɛngiannda nin-nde nin, mì cuungiaa niaa a ba ni mayoomoo a congú ni kpaayaa, o kon mì cuiŋi kɔl ni tuwvo niaa coo.

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.

1Samiɛl 28:16

Mí Samiɛl dimi aa: «Nɔm pila co sinaa tɛ́ɛ́ maa Mɛlɛka pila mulul nɔm kɔɔ, mó siŋnun yaamɔɔ nɔmndo, le kɔlɔ yɛɛ n hin yɛ niko ya ɲunaa?

SƐBƐ YƆB-O 19:11

O beenguu yinnde kɔl ndɔ tuwvo a ya, o co ya ko cɔu maa yaamɔɔ ndɔ.

Condii lisai 7:13

Te yaamɔɔ mangala kela ndɔ vɔɔndo le, Hala cɛɛŋa mɔɛi ndɔɛi cɔwve, o sim kpeekpei, o yulul ndu kpaasiaa,

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Cɛɛŋɔnnda Yeremi lan 1:13

Mɛlɛka lo coo, mó soli yinnden, mó cuu yinnde len o paala nilan nin. Mó toandu yalaa ya o labɛngunin, mó mingi ya a makɔɔ, mó kɛsi ya o mɔnɛi nin, o nàà imɔnɔ kon nin ya co le lɔ́ɔ́-lɔ́ɔ̀ ni.

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.

Esekiɛl 7:14

A hɔŋnin bɛɛ buloo, ɲɛ-ɲɛ vanin o bɛɛndian, kɛ vana-vana kuenin o cɔwvo le, kani kɔl ni tuwvo piɔndinin le tolɔɔ sɛ́lɛ́ nda bɛndu-bɛndoo coo.

Esekiɛl 13:13

Ɲɛ Maalii Hala dimi-o co hoo ni aa: «I tuisinin hoeyii fùkù-fùkùei o kɔl ni tuwvo nin. O kɔl ni fulaa nin, i tuisinin piɔɔ bɛndu-bɛndoo, mì loeon deli a kɔltuwvo le ɲɛ-ɲɛ yoomaa ciiyo diwvo kpede.