Cɛɛŋɔnnda Yeremi lan 2:20 - BII BILA

²⁰ Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Cɛɛŋɔnnda Yeremi lan 2:20 Referans Kwoze

Cɛɛŋɔnnda Yeremi lan 4:10

Hali a kaola vialaa vanlaandua nɔ-o kpow, nda pila co cuavaa ndaa yawvo le dioo, le dɛnɛ palaa bɛndu tol nda coo-o.

Yeremi 19:9

Yaamɔa ndaa hunnin mà tiila kobi ndaa le ndu delɔɔ coo. Dɛnɛ palaa bɛndoo toalnin vanaa vanin o kobi kalaa nin-nda coo háá mà de cuaa ndaa, mì nda pila sɔaman.

Condii lisai 78:64

Mí vanaa-solia-lasálàá sɔla piɔ́mndo o cɔwvo, vanlaandua piaandaa ndaa vi-a nɔla nda caŋ te.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Tɔŋ miingua 9:26

Mí tɛɛlun Mɛlɛka, mí dimi aa: ‹A yandi, Maalii, Mɛlɛka, tɛɛmbuu vanaa nɔmnda le, kɛ́ nɔmndo pɛɛn, a n baŋa a masale nɔmnden má soli nda o lɛŋnde Esipte nin a ba nɔm kpaayaa-a.

Fulaa 32:11

Kɛ mí Moise ɲɔɔlu Mɛlɛka Hala ndɔɔ, mó dimul ndu aa: «Éé Mɛlɛka! Le yɛɛ ma tuulu kɔl a vanaa nɔmaa n soli haa o lɛŋnde Esipte len nin a kpaaya bɛndoo a ba nɔm mayoomoo-a?

Esekiɛl 5:10

Lelan, fuɲaa sɔamnin poaa ndaa niaa tɛɛn, poaa bɛɛ sɔamnin fuɲaa ndaa. I kilulnin niaa yaman nun mì tuisi niaa sangalan coo. I saŋnin vanaa lonin yoomu o niaa tɛɛn-nda kpow o hoeyun vanin hɔŋndo nɛɛ-nɛɛ ka-on nin.

Cɛɛŋɔnnda Yeremi lan 4:16

Mɛlɛka pila cii nda saŋɔɔ, o nɔ lɛ nda lehɔl coo le. Vannda ke vanaa-solia-lasálàá lebɛɛ le, a tosa iɲíí a bɛndua yuuvɛiya le.

Cɛɛŋɔnnda Yeremi lan 1:19

I veelu vanáà yeema ya paandu-a, kɛ má hui ya. Mí vanaa-solia-lasálàà nia a vanaa nia silaa cuu vu o kobio nin, le ɲɛdiaa nuwviaa haliko mi ndáà lo yoomu.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Tɔŋ lasálàá 26:29

La sɔamnin poaa niaa a cuavaa niaa laandua.

Esai 22:2

Nɔm kobi vɔkɔ-vɔkɔ bɛndoo co hoo nin-ndo, nɔm kobi bɔɔluu kɔlkɛndɛ bɛndoo co hoo nin-ndo, vanaa vunin o vanaa nɔmnda tɛɛn-nda, a vinin o mɔɛi cɔw bɛngu le, a vinin vɛlɛ o cɔw nin te.

2Dɛnnda lemasalan 36:17

O kon, mí Mɛlɛka viam masa va Babilɔn-ndo, mó kuel nda a cɔwvo. Mó diw langbaa felengia ndaa o Cɛi-Diandaa ndaa nin, vana-vana helun te, kandɔɔ a langbaa felengia, vanlaandua felengia, kɔlan biyɔɔ a vanaa yuuvɛiya, mí Mɛlɛka mal nda ndu o ba kpow.

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Esekiɛl 9:7

Mó dimul nda aa: «La nɔ́ɔ́liaa cɛiyo. La kɔ pei bɛ́ɛ̀la ndɔlan a vanvílɛ́iya malan niaa kɔa nɛɛ celen.» Má fula, má kɔ diw vannda o kobio nin.