Cɛɛŋɔnnda Yeremi lan 2:18 - BII BILA

¹⁸ Vanaa co icali Siɔn-nda soli diomndan o lepilɔɔ o Mɛlɛka lo. Kpakio Siɔn, paalen a ɲumndan, va mɛmɛma nɔmndan tuisio maa pee pɔmbɔ. Cɛl mà pɛngi le, yɔngu hɔlta nɔmndan pɛngio le few.

Cɛɛŋɔnnda Yeremi lan 2:18 Referans Kwoze

Condii lisai 119:145

Éé Mɛlɛka! I co nɔm piɛiyo a kɔl nuu kpow, mulul-la mì tosa hɛnan nɔmndo.

Cɛɛŋɔnnda Yeremi lan 2:8

Mí Mɛlɛka ndóò kialu le kpakilan Siɔn koombiaa. Mó toandu yoolen nda laci, o faŋa baa le, háá mó cii nda fɔlɔn diw tɛ́ɛ́. Mó dɔaw kpakilan a ciin cɛiyon yɛɛvɛ, mí la tambu o lepilɔɔ kpow.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

Habakuk 2:11

Hali cìì cɛiye bɛɛ yondanin, mì toulen le saala sɔɛi ken le dɛnnda niaalan cɔɔmuuo.

Osee 7:14

A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

Cɛɛŋɔnnda Yeremi lan 1:2

Lɔan pii, o co caŋndo. Kuulan la liva ndu yɔ́-yɔ́ a mɛmɛan, vanaa ndáà yeema ndu pandu-a kpow, o kɛ́-kɛ̀ co yiyan le ndu ɲɔɔloo le. Caaŋaa ndɔa kpow a hui ndu, má siŋnun yaamɔaa ndɔa.

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»