Cɛɛŋɔnnda Yeremi lan 2:17 - BII BILA

¹⁷ Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Cɛɛŋɔnnda Yeremi lan 2:17 Referans Kwoze

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

Condii lisai 89:42

Vanaa hiavannda cii ɲɛm ndɔn poondiaa kpow, vanaa nda cal latulu-a co ndu mamɔɔ.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Cɛɛŋɔnnda Yeremi lan 1:5

Yaamɔaa ndɔa nɔla ndu, a connun o kɔlɲuloo nin fɛɛ. Mí Mɛlɛka tuisi ndu dɛnɛ palaa coo, le hakila ndɔla bɛndulan. Yaamɔaa ndɔa kɔɛ a poaa ndɔa o biyɔɔ nin.

Misee 2:3

Lelan Mɛlɛka dimi ni aa: ‹I co kpundɛ bɛndoo tuisi vanaa kan coo. La nɔlanin kɛsei solio lebɛngu le. La cue lɛnin bollen lɔ́ɔ́-lɔ́ɔ̀ o kelaa nin te, kani telen dɛnɛ palaa co o nɛi.›

Esekiɛl 9:10

Lelan ya bɛɛ, i tosanin iɲíí a nda le. I mɛinin vana-vana le, i tuisinin sangala dɛnnda nda tosa lan nda pila coo.»

Cɛɛŋɔnnda Yeremi lan 2:8

Mí Mɛlɛka ndóò kialu le kpakilan Siɔn koombiaa. Mó toandu yoolen nda laci, o faŋa baa le, háá mó cii nda fɔlɔn diw tɛ́ɛ́. Mó dɔaw kpakilan a ciin cɛiyon yɛɛvɛ, mí la tambu o lepilɔɔ kpow.

Yeremi 18:11

Nɔm Yeremi, soo niko o vannda Yuda a o Yerusalɛmnda lo, mà dimul nda aa: «Mɛlɛka dimi aa: ‹I cii kiolɔɔ, i co dɛnɛ palaa toosiaa le niaa, yiyannda vɔɔnndan pila la co ya o kɔl a niaa ni. Vana-vana mangala kela ndɔ vɔɔndo. Lende ni dɛ! Vana-vana yɛlɛma tiŋ kela ndɔɔ.›»

Condii lisai 38:16

Éé Mɛlɛka! Nɔm ya cal tiindan ni. Nɔm yɔngunin mulio ni, Maalii Hala nuu.

Condii lisai 35:24

Mɛlɛka, nɔm co Hala nuu-o, kiolu yamɛi nii mɛɛ dɛnɛ sandaa nɔmndo co yɛ. Màá a dɔawnun ɲaale a dɛnɛ nuu o kɔɔ le!

Condii lisai 35:26

Màá siɛmbulan la tol nda kpow mà tambu labɛɛ! Vanaa co kan a ɲaaloo le dɛnɛ palaa nuu-a pɛɛn. Màá siɛmbulan la bii vanaa co ya ciŋilanndo-a, mà laasian!

Esai 14:29

Niaa Filistia sei, la dɔawnun ɲaale le tùú tinda nda va niaa kɔɔlan lɔɔ-o yom-ndo le dɛ! Kani kɔɔmaa fulanin o kɛw siovɛiyo nin, cuale fulanin o kon nin-nden tambálakáà can coocoo-o le vanin ni.

Yeremi 4:28

Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»

Cɛɛŋɔnnda Yeremi lan 3:43

Má simbulun o kɔl nɔm tuwvo nin, má tisa naa kɔɔli cili. A tosa iɲíí a naa le, má diw naa.

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

1Masaa 9:7

i toawnin Israɛlla mì faŋa nda o lɛŋnde ya yɔngu nda le calle nin-nden nin, mì faŋa vɛlɛ hɔlla o Cɛi yáà dindi hoo o diola nilan-ndo coo. O kon kɔɔli, i tuisinin Israɛlla siɛmbulan, mì vanaa-mangalaa-isɔɔa kpede a mam nda.

Condii lisai 89:43

A ke vanaa nɔ nɛyɔn ndɔɔ-a kpaayaa, má nɛŋi yaamɔaa ndɔa kɔltan.

Yeremi 40:3

Mí Mɛlɛka peelu ɲɛ ndóò dimi-o, kani la cua hakio a Mɛlɛka, mí la kɛɛ ndu diom. Lelan hee co niaa coo ni.

Sofoni 1:2

«I co ɲɛ-ɲɛ basɔɔ o lɛŋnden coo selemenden! Diom ya Mɛlɛka soo-o co kon ni.