Cɛɛŋɔnnda Yeremi lan 2:16 - BII BILA

¹⁶ Yaamɔaa nɔmnda kpow a co balɔɔ a nɔm o sondo, mà va huiyon hɔŋndo, mà va nɔm ciŋndon kumbillo a mamɔɔ aa: ‹N cii a ndu, hee naa n va kɔɔli ni, mɛɛ o co nuaa yɛ náà n yeema le ndu cɔu ni!›

Cɛɛŋɔnnda Yeremi lan 2:16 Referans Kwoze

Condii lisai 35:21

A co sondolan kumbio mà va ya dimullo aa: «Ɛ̀ɛ̀ hɛ́ɛ̀! Ɛ̀ɛ̀ hɛ́ɛ̀! Naa pilaa n ce ndu ciŋ.»

Cɛɛŋɔnnda Yeremi lan 3:46

Yaamɔa naa kpow a co sondolan kumbio le naa tiŋɔɔ.

Condii lisai 56:2

Éé Hala, tuinun ya iɲíí, kani vannda co ya ciŋilanndo. Niinoo kpɛŋ, a co ya cɔlɔbaa, a co ya tisaa coo.

Condii lisai 37:12

Vana kɔlvesɛiyo co kɔlkalu vɔɔndo nuwviaa le vana sandaa dúmbóó yiiyo, o co ndu ciŋndon kumbillo kpangaɲan.

Yeremi 51:34

Nebukanɛsar, masaa Babilɔn cii ya sɔɔsiaa, mó mial, mó mal-la fondo maa hɛngɛi fondo. Mó mial-la maa ɲina, mó pei demboo ca a ɲɛm nin hiow naŋɔɔ-on, o kon kɔɔli, mó mal-la.

Condii lisai 124:3

Mɛɛ ndáà simul naa lende a kɔlta fulaalan taw yɛ, a va naa misimisi a kiyɛiya kpow.

Condii lisai 35:16

Nda vanaa sina Hala le-a latulu, vanaa kei vannda mamɔɔ-a, a co ciŋndon sɔmndo a ya o sondo.

Condii lisai 22:13

Yaamɔaa nia tiila ya maa navaa tovaa sɛ́lɛ́, a balu ya maa navaa ibɛmɛa Basan.

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

Osee 8:8

Vannda cii Israɛlla misimisi. Nihau, a siŋnun maa ɲɛ vana yeema lɛ loo vanaa-mangalaa-isɔɔa tɛɛn.

Esekiɛl 36:3

lelan tɛɛnguu diom Mɛlɛka-o mà dimi aa: Nuaa Maalii, o co Mɛlɛka-o dimi ni aa: Le tùú vannda yeema ba-ba fee le niaa pembon Israɛl mɛiyo fondo a le niaa hiɔlɔɔ haliko mi la siŋnun le vanaa-mangalaa-isɔɔa-o, le tùú vannda tɛɛndan niaa má ke niaa diomndan-ndo,

Esekiɛl 25:15

Nuaa Maalii Hala dimi ni aa: «Le tùú Filistia tosa dɛnnda vɔɔnndan le màá mingio-o, le tùú nda mingi màá a nɛyɔnndo o lakɔl le ɲɔɔ tɛɛmbuuo o hiilɛi ndɛi lɔ́ɔ́-lɔ́ɔ̀-e nin-ndo,

Esekiɛl 25:6

Kani nuaa Maalii Hala dimi ni aa: «Le tùú niaa tɛm balan mì la kundu pelon lɛŋ-ndo, le tùú niaa dɔwnun ɲaale a nɛyɔn Israɛlla o lakɔl, mì la pɛɛsa nda-o,

Esekiɛl 25:3

Dimul nda aa la yaŋ-ndɔ nilan o sɔɛi Maalii-e, Mɛlɛka pɛɛn. Nuaa Maalii, o co Mɛlɛka-o dimi ni aa: ‹Le tùú niaa mam cɛi-kola-toandaa diandaa nuu lɔ́ɔ́ nda nɔɔliaa ndu-o, le tùú niaa mam lɛŋnde Israɛl-ten telen nda tɛɛmbuu len-ndo o, le tùú niaa mam cuawva Yuda telen nda va kɔlan a nda o biyɔɔ nin-ndo o,

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 50:7

Vanaa kɛ́-kɛ̀ komal pɛ nda, a del nda coo a diw nda kpow, a dimi aa: «N tosa sɔɛi vɔɔn te, kani hakio vannda ha tosa a Mɛlɛka ni, nɛɛ cindaa co-a pɛɛn, o fuɲaa ndaa mamaa ndaa tiindan-ndo.

Esai 49:19

O fondala nɔmndaa tambu mí láà lonnun fondolan nin, o lɛŋnde nɔmndee tambu len-nden nin, cuavaa nɔmnda pianin ma hiow fondaa polon, vanaa va nɔm tɛɛmbuuo-a kɔannunnin polon.

Condii lisai 112:10

Vanaa yɔŋ vɔɔnda canin ndu mà tambu kɔltan, a vanin ciŋndon somisomio mà vi diallon. A toɲa, yeemɛi vanaa yɔŋ vɔɔnda siŋnunnin ɲɛ fondoo.

Condii lisai 109:2

kani vanaa lahakia a vanaa yɔŋ vɔɔnda co ya cenelanndo, a co ya sɔɔn lacòòvan dimullo.

Condii lisai 57:3

Hala-Hiow-Ɲɔɔn-Kpow-vo o lani ya co cɛɛŋɔnndo nuaa ni, ó co dɛnnda nilan kpow nɛŋio-o.

Condii lisai 41:8

Vaanaa nɔ nɛyɔn nuu-a kpow a co ya siɔɔndiaa, a co tuula vɔɔnndan tuuvo le ya aa:

Condii lisai 35:25

Cɛ̀l mì yaamɔaa nia dimi aa: «Àá, mbɔ̀ hee náà n yeema ni» le. Màá a dimi le aa «Ɛ̀ɛ̀ hɛ́ɛ̀! N mel ndu!»

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Cɛɛŋɔnnda Yeremi lan 1:21

Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

Esekiɛl 5:15

A vanin fonda tambu labɛɛ-o, a fonda vannda co mamɔɔ-o. A siŋnunnin tɔɔmaseloo a ɲɛ luei vana siòònde-o le vanaa-mangalaa-isɔaa balu nɔm-nda. Kani i peelunin sangala ya tuu lan kpede nɔm coo a kɔltuwvo, mí peelu lan vɛlɛ a kɔltuwvo. I soaŋnin nɔm a kɔl tambɛiyo.

Esekiɛl 23:32

Kani nuaa ya Maalii, ya co Mɛlɛka-o dimi ni aa: ‹Nɔm bɛɛ kolnin o taala kólaa bɛ nɔm kol nin-ndo nin, taala kólaa bɛndu yingilɛi pɛ cá-o. O mɛminin vannda mà tɛɛndan nɔm, kani ɲɛ luɛi lenin-ndo co o bɔɔ.›

Misee 4:11

Nihau, vanaa-mangalaa-isɔaa bɔɔ-bɔɔ a yiinan le niaa hinullo. À co dimio aa: ‹Màá kobi ndaa tambu labɛɛ! N tofan tambii Siɔn-nde kpendekele.›