Cɛɛŋɔnnda Yeremi lan 2:15 - BII BILA

¹⁵ Vanaa co hiovɔɔ-a kpow a co balan lɔɔ le tambii nɔmnde, a co huiyon hɔŋndo, mà va bolle hiŋndo le nɔm mamɔɔ le dɛnɛ yɔŋnun nɔm kobio Yerusalɛm-ndo, mà va ɲunanndo aa: ‹Vɛ̀ɛ̀ kobio ho ndáà veelu paandu ni aa: Naŋɔɔ bɛndoo a Kɔlkɛndɛ lelɛŋndo?›

Cɛɛŋɔnnda Yeremi lan 2:15 Referans Kwoze

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Condii lisai 48:2

Mɛlɛka co o bɔɔ! Le ndu lisaa kpow bɛnda o kobi Hala naa nin a o pembii ndɔɛi diandɛi coo ni.

Esekiɛl 25:6

Kani nuaa Maalii Hala dimi ni aa: «Le tùú niaa tɛm balan mì la kundu pelon lɛŋ-ndo, le tùú niaa dɔwnun ɲaale a nɛyɔn Israɛlla o lakɔl, mì la pɛɛsa nda-o,

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Condii lisai 50:2

Hala fula ceen o kobi kɛndɛ-kɛndɔɔ Siɔn nin, ɲɛ-tengaa balu ndu pindo.

Sofoni 2:15

Àá! Ninive vannun a kɔlkɛndɔɔ, o vannun nila ɲulu o kɔlkɛsiaa nin. Vanaa va lenin-nda va dimio aa: ‹Naa n co naa ni! Vana-vana co maa naa le!› La tofa vɔ mɛɛ kobi kon siŋnun ciee-piɔ́mndo yɛ. La tofa vɔ mɛɛ o siŋnun bɛ̀mɛ́lta visia yɛ. Vana-vana kei pɛ ndu ikɛi, o kpinga a hùíyé hɔŋndo a á baa hiiloo.»

Esai 64:11

Éé Mɛlɛka! Vɛ̀ɛ̀ a dɛnnda palaalan ndan kpow a vowlulnin naa sondo le? Vɛ̀ɛ̀ a co naa saalan te? Bàà ma tuisi naa siɛmbulan háá mì n cuu labɛɛ?

Esai 37:22

Tuei-yɔ diomnda Mɛlɛka dimul ndu lan: «Kobio Siɔn co nɔm tɛɛndanndo mo va nɔm mamɔɔ. Vannda Yerusalɛm a co nɔm mamɔɔ a bollen hiiloo!

Condii lisai 22:7

Ya yɛ, maa dɛlu ya coni, i co maa vanaciee le. Vannda co ya bɛɛlan tɛɛmbuuo a co ya pɛɛsaa.

Marke 15:29

Mí vanaa va hiovɔɔ-a va ndu yeowlan a bolle hiiloo, má va dimio aa: «Nɔm dimi ni aa a co Cɛi-Hala-o tɛɛmbuu, mà mingi ndu tangul o palɛi ndii yáá bɛngu,

Matie 27:39

Mí vanaa va hiovɔɔ-a va bolle hiiloo, má yeow ndu.

Nahum 3:19

Kpundɛ nɔ maɲulu loo del nɔm coo dɛ! Yɔŋulɔnnda nɔmndan yɔŋulɔnnda piɔ́mndan la co ni. Vana-vana tuei pɛ dɛnɛ nɔmndo tɔ́ɔ́, o tɛm balan a dɛnɛ kon. Kani nɛ̀ɛ́-nɛ̀ co yɛ, o n tuisi dɛnɛ palaa coo loo?»

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Cɛɛŋɔnnda Yeremi lan 2:16

Yaamɔaa nɔmnda kpow a co balɔɔ a nɔm o sondo, mà va huiyon hɔŋndo, mà va nɔm ciŋndon kumbillo a mamɔɔ aa: ‹N cii a ndu, hee naa n va kɔɔli ni, mɛɛ o co nuaa yɛ náà n yeema le ndu cɔu ni!›

Cɛɛŋɔnnda Yeremi lan 2:6

Mó pial kunga nakɔ ndɔɔ, mó tɛɛmbuu fonda náà n cuungian ndu o hɔl-lo. Mí Mɛlɛka tosa mí vannda Siɔn pɔɛɛnun kafolan a cuungiannda palɛi pɛngiaalan. Mó tɛɛmbuu masaa a vanaa-solia-lasálàá bɛ̀ɛ̀lan a kɔltuw bɛndoo.

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Yeremi 51:37

I co Babilɔn mingi bémbélan, nɛɛ tivolla vanin-nda, mì vannda pieow kobi kalaa a siòònde, má yonda a mɔnɛi.

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 25:18

Mí kandu a Yerusalɛm a á kobila va o tàndá Yuda-o nin-ndan, masaa ndaa a simlacia ndaa, le lan mingio bémbélan. Mí vannda va kpingaa a mɔnɛi biyɔɔ, o kon má ca dɛnɛ kon, má va mɛnaa a ndi o kɔɔ mɛɛ o co hau tosanndo yɛ.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

2Dɛnnda lemasalan 7:21

Kɔndɔfili bɛndoo biinin vanaa sinà Cɛi bɛndu-bɛndu sɔvɛɔ ho-a, mà ɲunan aa: ‹Ko le yɛɛ nɛ Mɛlɛka tosa yɛ a lɛŋnden nden a á Cɛi-Hala-o ho nuaa?›

2Masaa 19:21

Sɔɔn ya Mɛlɛka dimi a ndu o kɔɔ-on co mun ni: Kobio Siɔn pɛɛsa nɔm, o co nɔm mamɔɔ. Yerusalɛm co nɔm tɛɛndanndo, a bollen hiiloo nɔm kɔɔli.

Condii lisai 64:8

Kɛ Hala vuu nda a bállo, mó lɔaa nda o lepilɔɔ.

Condii lisai 109:25

I siŋnun vana nda co mamɔɔ-o yaamɔaa nia o hɔl, a co ya tofaa ma va bolle hiiluuo.

Esai 28:21

Kani Mɛlɛka cannin maa mɛɛ o tosa o pembei Perasim yɛ, o tuulunin kɔl mɛɛ o tuulu kɔl o dɛɛlaa Kabaɔn nin yɛ, mò tosa baala ndɔɔ, baala ndɔ kaamaa, le vali ndɔɔ tosaa, vali ndɔ kɔndɔfillo!

Yeremi 48:27

Niaa Moabua, vɛ̀ɛ̀ o co niaa le va Israɛlla mamɔɔ le? Nduyɛ Israɛl tosa levui le. Le yɛɛ niaa va yɛ niko nda mamɔɔ mí la va bolle hiiloo?

Cɛɛŋɔnnda Yeremi lan 1:21

Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

Esekiɛl 16:14

Le hee, mí tɔ́ɔ́ nɔmndo tiw vanaa-mangalaa-isɔɔa tɛɛn le naŋɔɔ nɔmndo, kani le tùú yáà dovi nɔm a naŋɔɔ-o, mí nɔm óò tiwnun a naŋɔɔ. Ya Maalii, ya co Mɛlɛka-o soo nuaa ni.

Condii lisai 48:3

Yerusalɛm co o heelaa o naŋɔɔ nin, o co kɔlkɛndɔɔ yɔngoo o lɛŋnden kpow coo. O pembei Siɔn coo, i co a ba luaŋ-ndo-e, lon kobi Masa bɛndoo co ni.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Esekiɛl 5:15

A vanin fonda tambu labɛɛ-o, a fonda vannda co mamɔɔ-o. A siŋnunnin tɔɔmaseloo a ɲɛ luei vana siòònde-o le vanaa-mangalaa-isɔaa balu nɔm-nda. Kani i peelunin sangala ya tuu lan kpede nɔm coo a kɔltuwvo, mí peelu lan vɛlɛ a kɔltuwvo. I soaŋnin nɔm a kɔl tambɛiyo.

Esekiɛl 16:13

A va o dovianndo a sianion, a volion, a kola keese fɛtufɛtoo, a kola lɛmɛsɛsɔɔ, a doma bɛndu sɔɔlaa. Ɲɛdiaa nɔmndo va kpeyan yukuyukoo, lɛan a cuɛiyan ni. Má va hiovɔɔ laci a naŋɔɔ taw, má sɔla hɔlaa lemasaa.

Esekiɛl 23:32

Kani nuaa ya Maalii, ya co Mɛlɛka-o dimi ni aa: ‹Nɔm bɛɛ kolnin o taala kólaa bɛ nɔm kol nin-ndo nin, taala kólaa bɛndu yingilɛi pɛ cá-o. O mɛminin vannda mà tɛɛndan nɔm, kani ɲɛ luɛi lenin-ndo co o bɔɔ.›

Daniɛl 9:16

Maalii, mɛɛ dɛnnda nɔmnda sandaalan kpow la co yɛ, faŋa kɔltuw nɔmndo Yerusalɛm coo, kobi nɔmndo a pembii nɔmii diandɛi pɛɛn. Kani le hakila naalan a yɔŋ vɔɔn fuɲaa naa mamaa kobi nɔmndo Yerusalɛm, a yungu nɔmndo a tambu labɛɛ vanaa balu nda-a o sondo ni.