Cɛɛŋɔnnda Yeremi lan 2:13 - BII BILA

¹³ Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?

Cɛɛŋɔnnda Yeremi lan 2:13 Referans Kwoze

Cɛɛŋɔnnda Yeremi lan 1:12

Niaa Sei! Niaa vanaa co haa hiovɔɔ-a, la tofa vɔ, mì la ce. Vɛ̀ɛ̀ dɛnɛ palaa súú vaa nuaa nɔ pá velanndo? Dɛnɛ palaa súú del-la hoo coo-o pɛɛn, ò Mɛlɛka tuisi hoo ya coo o paale ndɔle kɔl tambɛilen coo-o.

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

2Samiɛl 5:20

Mí David kɔa Baal-Perasim, lon o kɔ nɔla Filistia ni. Mó dimi aa: «Mɛlɛka buli tɛɛngei ya laci o polama yaamɔaa nia tɛɛn maa mɛɛ kandaa piɔl mì mɛnndan ma tol a yoomuan yɛ.» Lelan nda ke fonda kon diolan ni aa: Baal-Perasim (kon co dimi ni aa «Vana bɛndu n'tɛɛngoo»)

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Esai 37:22

Tuei-yɔ diomnda Mɛlɛka dimul ndu lan: «Kobio Siɔn co nɔm tɛɛndanndo mo va nɔm mamɔɔ. Vannda Yerusalɛm a co nɔm mamɔɔ a bollen hiiloo!

Condii lisai 60:2

Telen o del Aramiaa va Mesopotami-a a vanaa va Soba-a coo a cɔwvo, mí Yoab nɔla Edɔmnda vaalan tɔ́ a latiɔn o Ból Ihɛllo nin-ndo o soli condei he ni:

2Masaa 19:21

Sɔɔn ya Mɛlɛka dimi a ndu o kɔɔ-on co mun ni: Kobio Siɔn pɛɛsa nɔm, o co nɔm mamɔɔ. Yerusalɛm co nɔm tɛɛndanndo, a bollen hiiloo nɔm kɔɔli.

Yeremi 9:18

Kani yeelan a somisominndan la co diomndo fulaa a ba Siɔn-ndo aa: «Kpòkóó dɛnɛ! Mbɔ̀ naa n tambu fɔ́! Siɛmbulan la tol naa kangalan, fɔ mi n mal lɛŋnden nden. Kani a cii calta naalan puusiaa!»

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Esekiɛl 32:31

Masaa Esipte canin nda mò ɲulul kɔl le sɛ́lɛ́ ndɔ kaakuu vi-o, kani Faraɔnnɔɔ nda vanaa ndɔa cɔwva kpede a vi o mɔɛi cɔwve bɛngu. Ya Maalii, ya co Mɛlɛka-o soo nuaa ni.